عشقِ شہِۂ بطحا جو بڑھا اور زیادہ
ہو جائیں گے شاد اہلِ وفا اور زیادہ
Ishq-e-Shahe-e-Batha jo barha aur zyada
Ho jayein ge shad ahl-e-wafa aur zyada
برسے تِری رحمت کی گھٹا اور زیادہ
اے دستِ عطا! جُود و سخا اور زیادہ
Barse teri rehmat ki ghata aur zyada
Ae dast-e-ata! jud o sakha aur zyada
اُس زلفِ معنبر کو کبھی اِس نے چھُؤا تھا
اِترانے لگی بادِ صبا اور زیادہ
Us zulf-e-muanbar ko kabhi is ne chhuwa tha
Itranay lagi bad-e-saba aur zyada
عشق ِشہِِؐ ابرار ہے خالق سے محبت
خوش ہوتا ہے بندے سے خدا اور زیادہ
Ishq-e-Shahe-e-abrar hai khaliq se mohabat
Khush hota hai bande se khuda aur zyada
آقاؐ کے پسینے کی مہک اِس میں رچی ہے
مہکے گی مدینے کی فضا اور زیادہ
Aqa ke paseene ki mehak is mein rachi hai
Mehke gi madine ki fiza aur zyada
حاصل رہے اللہ کے محبوبؐ کی اُلفت
انسان کو مطلوب ہو کیا اور زیادہ
Hasal rahe Allah ke mehboob ki ulfat
Insan ko matloob ho kya aur zyada
ہر آن تجلّی ہو تِری دیدہ و دل میں
روشن رہیں ایوانِ وفا اور زیادہ
Har aan tajalli ho teri deeda o dil mein
Roshan rahein aiwan-e-wafa aur zyada
کھولو تو محمدؐ کے لیے دل کا دریچہ
آئے گی مدینے کی ہَوا اور زیادہ
Kholo to Muhammad ke liye dil ka daricha
Aye gi madine ki hawa aur zyada
اُٹھتی ہے نصیرؔ اُن کی نظر جب کسی جانب
ہو جاتا ہے لوگوں کا بَھلا اور زیادہ
Uthti hai Naseer un ki nazar jab kisi janib
Ho jata hai logon ka bhala aur zyada
Share This Naat
Share with friends and family
عشقِ شہِۂ بطحا جو بڑھا اور زیادہ
سید نصیرالدیں نصیر