یوں مرے اللہ نے عظمت بڑھائی آپ کی
رفعتِ عرشِ بریں تک ہے رسائی آپ کی
Yun mere Allah ne azmat barhayi aap ki
Rif'at-e-'Arsh-e-Barin tak hai rasaai aap ki
منزلیں خود چُومتی ہیں خوش نصیبوں کے قدم
جن کو آقا ! مل گئی ہے رہنمائی آپ کی
Manzilein khud choomti hain khush naseebon ke qadam
Jin ko aaqa! mil gayi hai rehnumai aap ki
عزّت و توقیر بخشی میرے مولا نے اُسے
جس نے محفل میں شہا ! مدحت سُنائی آپ کی
Izzat o taqeer bakhshi mere Maula ne use
Jis ne mehfil mein Shaha! madah sunai aap ki
عرق افشاں حشر میں ہوں گے یہ عاصی جس گھڑی
کرب میں ڈوبے ہوئے دیں گے دُہائی آپ کی
Arq afshan hashr mein honge ye 'aasi jis ghadi
Karab mein doobe hue denge duhai aap ki
شُکر ہے ! مولا ترا ، تُو نے مری تسکین کو
قبر میں عاصی کو بھی صُورت دکھائی آپ کی
Shukar hai! Maula tera, tu ne meri taskeen ko
Qabar mein 'aasi ko bhi soorat dikhayi aap ki
اُس کے قدموں پر شہا! شاہوں کے سربھی خم ہوئے
تَج کے شاہی جس نے لے لی ہے گدائی آپ کی
Us ke qadmom par Shaha! Shahom ke sar bhi kham hue
Taj ke shahi jis ne le li hai gadayi aap ki
یہ جلیلِ بے ہُنر مدحت کرے کیسے رقم
خود خُدا کرتا ہے جب مدحت سرائی آپ کی
Yeh Jaleel-e-be-hunar madah kare kaise raqam
Khud Khuda karta hai jab madah sarai aap ki
Share This Naat
Share with friends and family
یوں مرے اللہ نے عظمت بڑھائی آپ کی
حافظ عبدالجلیل