ہے ناطِقِ مَا اَوْحٰی اِک تیرا دہن جاناں
تو روحِ معانی ہے تو جان سخن جاناں
hai naatiq-e-ma awha ik tera dahan jana
tu rooh-e-maani hai tu jaan sakhan jana
تاروں میں چمک تیری ہے جلوہ فگن جاناں
پھولوں میں تِری خوشبو ، تو اصلِ چمن جاناں
taaron mein chamak teri hai jalwa fagan jana
phoolon mein teri khushbu, tu asal-e-chaman jana
گر آؤ گلستاں میں ،گُل کترے قبا اپنی
قدرت نے تراشا یوں ہے تیرا بدن جاناں !
gar aao gulistan mein, gul katre qaba apni
qudrat ne tarasha yun hai tera badan jana!
کیا ماہِ دو ہفتہ پر ملبوس گلابی ہے
یا حُلّۂِ حمرا میں ہے تیرا بدن جاناں
kya maah-e-do hafta par malboos gulaabi hai
ya hullah-e-humra mein hai tera badan jana
کی رب نے خریداری یوں تیرے غلاموں سے
جانیں ہیں مبیع ان کی ،جنت ہے ثمن جاناں
ki Rab ne kharidari yun tere ghulamon se
janain hain mabi un ki, jannat hai thaman jana
قربان نہ کیوں ہوتا پھر چاند بھی شق ہو کر
جوبن پہ جو چمکی تھی انگلی کی کرن جاناں
qurban na kyu hota phir chaand bhi shaq ho kar
joban pe jo chamki thi ungli ki kiran jana
مخمور نگاہوں سے گر تیرا اشارہ ہو
نشّہ ہو عدو کا سب لمحے میں ہرن جاناں !
makhmoor nigahoon se gar tera ishara ho
nasha ho adu ka sab lamhe mein haran jana!
سلطانِ بلاغت بھی اِک حرف تِرا سن کر
رکھتا ہے ترے قدموں میں سارا سخن جاناں
sultan-e-balaghat bhi ik harf tera sun kar
rakhta hai tere qadmon mein sara sakhan jana
جلووں سے ترے روشن ہو گھر بھی شہا ، جیسے
مدحت سے معظمؔ کا پر نور ہے فن جاناں
jalwon se tere roshan ho ghar bhi shaha, jaise
madah se muazzam ka par noor hai fun jana
Share This Naat
Share with friends and family
ہے ناطِقِ مَا اَوْحٰی اِک تیرا دہن جاناں
معظم سدا معظم مدنی