Manqabat
بیاں کس منہ سے ہو اس مجمع البحرین کا رتبہ
بیاں کس منہ سے ہو اس مجمع البحرین کا رتبہ
جو مرکز ہے شریعت کا طریقت کا ہے سر چشمہ
Bayan kis muh se ho is majma ul bahrain ka rutba
Jo markaz hai shariat ka tareeqat ka hai sar chashma
بنا اس واسطے اللہ کا گھر جائے پیدائش
کہ وہ اسلام کا کعبہ ہے یہ ایمان کا کعبہ
Bana is wastay Allah ka ghar jaaye paidaish
Ke woh Islam ka Kaaba hai ye iman ka Kaaba
وہ ہے خاموش قرآں اور یہ قرآنِ ناطق ہیں
نہیں جس دِل میں یہ اس میں نہیں قرآن کا رستہ
Woh hai khamosh Quran aur ye Quran e nateq hain
Nahi jis dil mein ye us mein nahi Quran ka rasta
دُلہن زہرہ عمر داماد اور حسنین سے بیٹے
تری ہستی ہے اَعلی اور بالاتر ترا کنبہ
Dulhan Zahra Umar damad aur Hasnain se betay
Teri hasti hai aala aur balatar tera kunba
نبی کی نیند پر اس نے نمازِ عصر قرباں کی
جو حاضر کرچکا تھا اس سے پہلے جان کا ہدیہ
Nabi ki neend par us ne namaz e asr qurban ki
Jo haazir kar chuka tha us se pehlay jaan ka hadiya
نہ کیونکر لوٹتا اس کے لیے ڈوبا ہوا سورج
کہ جب اس چاند کے پہلو میں اِک سورج کا تھا جلوہ
Na kyonkar loot ta us ke liye dooba hua sooraj
Ke jab us chaand ke pehlu mein ik sooraj ka tha jalwa
تعالَی اللہ تری شوکت تری صولت کا کیا کہنا
کہ خطبہ پڑھ رہا ہے آج تک خیبر کا ہر ذرہ
Ta'ala Allah teri shaukat teri saulat ka kya kehna
Ke khutba parh raha hai aaj tak Khyber ka har zarra
مسلمانو رسول اللہ کی اُلفت اگر چاہو
کرو اس کی غلامی جس کا ہر مومن ہوا بندہ
Muslimano Rasul Allah ki ulfat agar chaho
Karo us ki ghulami jis ka har momin huwa banda
ہو چشتی قادری یا نقشبندی سہروردی ہو
مِلا سب کو ولایت کا انہی کے ہاتھ سے ٹکڑا
Ho Chishti Qadri ya Naqshbandi Suhrawardi ho
Mila sab ko vilayat ka inne ke haath se tukda
ہے صدقہ میل پھر اس پاک و ستھرے کو رَواکیوں ہو
کہ دنیا کھارہی ہے جس کی آلِ پاک کا صدقہ
Hai sadqa meel phir us pak o sthray ko rawake yun ho
Ke duniya kha rahi hai jis ki Aale pak ka sadqa
علی مشکلکشا ہیں سب کے سالک ؔکا سہارا ہیں
ہر اِک محتاج ان کا ہو جواں بوڑھا ہو یا بچہ
Ali Mushkil kasha hain sab ke Salik ka sahara hain
Har ik mohtaaj un ka ho jawan boodha ho ya bacha
Share This Naat
Share with friends and family
بیاں کس منہ سے ہو اس مجمع البحرین کا رتبہ
مفتی احمد یار نعیمی