Manqabat
پانی کی جو اک بوند کو ترسا لبِ دریا
پانی کی جو اک بوند کو ترسا لبِ دریا
وہ غیر نہ تھا ، سبطِ نبیؐ تھا لبِ دریا
Pani ki jo ek boond ko tarsa lab-e-darya
Woh ghair na tha, sibt-e-Nabi (SAW) tha lab-e-darya
رنگین رہا دشت ، شہیدوں کے لہو سے
بہتا ہی رہا خون کا دریا ، لبِ دریا
Rangeen raha dasht, shaheedon ke lahoo se
Behta hi raha khoon ka darya, lab-e-darya
ہے ماتمِ شبّیر کی اک زندہ شہادت
موجوں کا یہ سَر پیٹتے اُٹھنا ، لبِ دریا
Hai maatam-e-Shabbir ki ek zinda shahadat
Mojon ka ye sar peet'te uthna, lab-e-darya
موجوں میں تلاطُم ، تو ببولوں میں قیامت
پیاسوں کا ہے شیون سرِ صحرا ، لبِ دریا
Mojon mein talaatum, to babolon mein qiyamat
Piyason ka hai shiyun sar-e-sahra, lab-e-darya
اِس سوچ نے پہروں دلِ مضطر کو رُلایا
وہ بندشِ آب اور وہ پہرا ، لبِ دریا
Is soch ne pehron dil-e-muztar ko rulaya
Woh bandish-e-aab aur woh pehra, lab-e-darya
شکوہ نہ شہیدوں کو رہے تشنہ لبی کا
یُوں موت کے گھاٹ اُن کو اتارا لبِ دریا
Shikwah na shaheedon ko rahe tashna labi ka
Yun maut ke ghat un ko utara lab-e-darya
امواجِ ستم کھیل رہی تھیں سرِ بالیں
عباس پڑے تھے گُہَر آسا ، لبِ دریا
Amwaj-e-sitam khel rahi thein sar-e-balain
Abbas pare the guhar aasa, lab-e-darya
یُوں خون رواں تھا علی اصغر کے گلے سے
جیسے ہو لہو کا کوئی دھارا ، لبِ دریا
Yun khoon rawan tha Ali Asghar ke gale se
Jaise ho lahoo ka koi dhara, lab-e-darya
اے اہلِ جفا ! پیاس سے پیاسوں کی نہ کھیلو
پہنچیں نہ کہیں سیّدہ زہرا، لبِ دریا
Aye ahl-e-jafa! piyaas se piyason ki na khelo
Pohchain na kahin Syeda Zahra, lab-e-darya
شاہِ شُہدا کیسے اُدھر پاؤں اُٹھاتے
چل کر کہیں آیا کوئی دریا ، لبِ دریا
Shah-e-shuhada kaise udhar paun uthate
Chal kar kahin aaya koi darya, lab-e-darya
تھا مرتبہء عترتِ زہرا کے منافی
دو بوند کے چکّر میں اُلجھنا، لبِ دریا
Tha martaba-e-itrat-e-Zahra ke marnfi
Do boond ke chakkar mein uljha, lab-e-darya
گر زحمتِ یک گام وہ کر لیتے گوارا
خود بڑھ کے قدم چُوم نہ لیتا ، لبِ دریا
Gar zahmat-e-yak gaam woh kar lete gawara
Khud barh ke qadam choom na leta, lab-e-darya
جُھکنا سرِ شبّیر کی فطرت میں نہیں تھا
جھُک جاتے تو کچھ دُور نہیں تھا ، لبِ دریا
Jhukna sar-e-Shabbir ki fitrat mein nahin tha
Jhuk jate to kuch door nahin tha, lab-e-darya
عباس میں حیدر کا لہو دوڑ رہا تھا
دُشمن سے لڑے وہ تنِ تنہا ، لبِ دریا
Abbas mein Haider ka lahoo daur raha tha
Dushman se lade woh tan-e-tanha, lab-e-darya
جب ابنِ علی جھُوم کے پہنچے سرِ مقتل
اک شور اُٹھا صلِّ علی ٰ کا، لبِ دریا
Jab ibn-e-Ali jhoom ke pahuche sar-e-maqtal
Ek shor utha Sal-lay ala, lab-e-darya
پیوستہ قدم چوُمنے اُٹھتی رہیں لہریں
دیکھا جو محمدؐ کا سراپا ، لبِ دریا
Pewasta qadam choomne uthti rahen lehrain
Dekha jo Muhammad (SAW) ka sarapa, lab-e-darya
ہر منظرِ فطرت کو وہا ں پاسِ ادب تھا
موجیں ہی نہ تھیں ناصیہ فرسا، لبِ دریا
Har manzar-e-fitrat ko wahan paas-e-adab tha
Mojen hi na thein nasiha farsa, lab-e-darya
حُرّیتِ اظہار کا تابندہ نشاں ہے
عباس ترا نقشِ کفِ پا ، لبِ دریا
Hurriyat-e-izhar ka tabinda nishan hai
Abbas tera naqsh-e-kaf-e-pa, lab-e-darya
اے قاسم گُل رو شبِ عاشور کے دُولہا
گاتی رہیں لہریں تِرا سہرا ، لبِ دریا
Aye Qasim gul ro Shab-e-Aashur ke dholha
Gaati rahen lehrain tera sehra, lab-e-darya
موجوں کے مدو جزر نے لیں اُس کی بلائیں
چہرا تھا کہ اک چاند کا ٹکرا ، لبِ دریا
Mojon ke mad-o-jazar ne lein us ki balain
Chehra tha ke ek chand ka tukra, lab-e-darya
سب کہتے ، نصیؔر اپنے مقدّر کا دھنی ہے
شبّیر کے قدموں میں جو ہوتا ، لبِ دریا
Sab kehte, Naseer apne maqaddar ka dhani hai
Shabbir ke kadmon mein jo hota, lab-e-darya
Share This Naat
Share with friends and family
پانی کی جو اک بوند کو ترسا لبِ دریا
سید نصیرالدیں نصیر