Manqabat
بس اب تو رہتے ہیں آنکھوں میں اَشک آئے ہوئے
بس اب تو رہتے ہیں آنکھوں میں اَشک آئے ہوئے
زمانہ بِیت گیا ہم کو مسکرائے ہوئے
Bas ab to rehte hain aankhon mein ashk aaye huye
Zamana beet gaya hum ko muskuraye huye
غمِ حسین کا گھاؤ ہے کس قدر گہرا
یہ اُن سے پوچھ جو ہیں دل پہ چوٹ کھائے ہوئے
Gham-e-Hussain ka ghaao hai kis kadar gehra
Yeh un se poochh jo hain dil pe chot khaye huye
نبیؐ کے گھر کے اُجالوں کا اب خدا حافظ
اندھیرے شامِ ستم کے ہیں سر اُٹھائے ہوئے
Nabi ke ghar ke ujalo ka ab Khuda hafiz
Andhere shaam-e-sitam ke hain sar uthaye huye
لگی ہے بھیڑ غم و رنج و درد و کُلفت کی
ہم اپنے دل میں ہیں اِک کربلا بسائے ہوئے
Lagi hai bheer gham o ranj o dard o kulfat ki
Hum apne dil mein hai ek Karbala basaye huye
عجیب وقت ہے زھرا کے گُل عِذاروں پر
سکینہ پیاسی ہے، اصغر ہیں تیر کھائے ہوئے
Ajeeb waqt hai Zahra ke gul izaon par
Sakeena piyasi hai, Asghar hain teer khaye huye
یہ ناتوانی، یہ رستے کی سختیاں سجاد
چلوگے کیسے بھلا بیڑیاں اُٹھائے ہوئے
Yeh natwani, yeh raste ki sakhtiyan Sajad
Chaloge kaise bhala berdiyan uthaye huye
نمازِ عشق کی یہ طُرفگی کوئی دیکھے
حسین سجدے سے اُٹّھے تو سر کٹائے ہوئے
Namaz-e-ishq ki yeh turfagi koi dekhe
Hussain sajde se utthe to sar kataye huye
شکست دے نہ سکی عزمِ ابنِ حیدر کو
اجل کھڑی ہے ندامت سے منہ چھپائے ہوئے
Shikast de na saki azm-e-ibn-e-Haidar ko
Ajal khari hai nadamat se munh chupaye huye
سبب خموشی کا پوچھا گیا جو زینب سے
تو رو کے بولیں کہ ناناؐ ہیں یاد آئے ہوئے
Sabab khamoshi ka poocha gaya jo Zainab se
To ro ke bolin ke Nana hain yaad aaye huye
یہ شب کہیں شبِ عاشُور تو نہیں لوگو
اُداس چاند ہے تارے ہیں جھِلملائے ہوئے
Yeh shab kahin shab-e-Aashur to nahin logo
Udaas chand hai tare hain jhilmalaye huye
پلٹ کے آئے نہ اب تک مِرے چچا عبّاس
سکینہ روتی ہے دستِ دعا اُٹھائے ہوئے
Pulat ke aaye na ab tak mere chacha Abbas
Sakeena roti hai dast-e-dua uthaye huye
نڈھال کر گئی اصغر کی آخری ہچکی
حسین خیمے میں آئے کمر جھکائے ہوئے
Nidhal kar gayi Asghar ki aakhri hichki
Hussain khaime mein aaye kamar jhukaye huye
بھٹک رہی ہے ابھی تک تلاش میں منزل
گزر گیا ہے کوئی کارواں لُٹائے ہوئے
Bhatak rahi hai abhi tak talash mein manzil
Guzar gaya hai koi karwan lutaye huye
وہ حق پرست سرِ منزلِ وفا پہنچے
خدا کی یاد کو زادِ سفر بنائے ہوئے
Woh haq parast sar-e-manzil-e-wafa pahunche
Khuda ki yaad ko zad-e-safar banaye huye
ہم اہلِ دل ہیں، ہمیں اہلِ زر سے کیا مطلب
ہم اپنے شاہِ نجف سے ہیں لَو لگائے ہوئے
Hum Ahl-e-dil hain, humein Ahl-e-zar se kya matlab
Hum apne Shah-e-Najaf se hain lo lagaye huye
نصیؔر! گلشنِ زہرا کے پیاسے پھولوں کو
سَلام کہتے ہیں آنکھوں میں اَشک آئے ہوئے
Naseer! Gulshan-e-Zahra ke pyaase phoolo ko
Salam kehte hain aankhon mein ashk aaye huye
Share This Naat
Share with friends and family
بس اب تو رہتے ہیں آنکھوں میں اَشک آئے ہوئے
سید نصیرالدیں نصیر