Manqabat
ہُوئے ہیں دیدہ و دل محوِ شانِ گنجِ شکرؒ
ہُوئے ہیں دیدہ و دل محوِ شانِ گنجِ شکرؒ
زہے نصیب ، مِلا آستانِ گنجِ شکرؒ
Huye hain deeda o dil mehve shaan-e-gunj-e-shakarؒ
Zahe naseeb, mila astan-e-gunj-e-shakarؒ
وہ بِھیڑ دیکھئے ، وہ آستانِ گنجِ شکرؒ
نظر کے سامنے ہیں ، زائرانِ گنجِ شکرؒ
Wo bheer dekhiye, wo astan-e-gunj-e-shakarؒ
Nazar ke samne hain, zaairan-e-gunj-e-shakarؒ
فلک پہ اوجِ ثُریّا ، نشانِ گنجِ شکرؒ
کُل اولیا میں نرالی ہے شانِ گنجِ شکرؒ
Falak pe auj-e-surayya, nishan-e-gunj-e-shakarؒ
Kul auliya mein nirali hai shaan-e-gunj-e-shakarؒ
مجھے ہی فخر نہیں ہے نیاز مندی کا
ہیں سارے جنّ و ملک ، مدح خوانِ گنجِ شکرؒ
Mujhe hi fakhr nahi hai niyaaz mandi ka
Hain saare jinn o malak, madah khwan-e-gunj-e-shakarؒ
سدا بہار ہیں اِس کے تمام غُنچہ و گُل
خزاں کی زد میں نہیں ، گُلستانِ گنجِ شکرؒ
Sada bahaar hain is ke tamam ghuncha o gul
Khizan ki zad mein nahi, gulistan-e-gunj-e-shakarؒ
مٹھاس شہد کی ایک ایک حرف میں اُن کے
نَبات و قند سے شیریں ، زبانِ گنجِ شکرؒ
Mithaas shehad ki ek ek harf mein un ke
Nabat o qand se sheerin, zubaan-e-gunj-e-shakarؒ
عجیب بھِیڑ ہے قصرِ جناں پہ حشر نُما
جدھر بھی دیکھو، اُدھر عاشقانِ گنجِ شکرؒ
Ajeeb bheer hai qasr-e-jinan pe hashr numa
Jidhar bhi dekho, udhar aashiqan-e-gunj-e-shakarؒ
لطیف تر ہیں عُروج و نُزول کی باتیں
سُنائے جائے کوئی، داستانِ گنجِ شکرؒ
Lateef tar hain urooj o nuzool ki baatein
Sunaye jaye koi, dastaan-e-gunj-e-shakarؒ
حُصولِ قُربِ الہٰی تھی منزلِ مقصود
رُکا نہ اور کہیں ، کاروانِ گنجِ شکرؒ
Husool-e-qurb-e-ilahi thi manzil-e-maqsood
Ruka na aur kahin, karwan-e-gunj-e-shakarؒ
اِنہِیں کے باغ کے گُل ، صابرؒ و نظامُ الدّیں ؒ
بسے ہیں دل میں مِرے ، دلبرانِ گنجِ شکرؒ
Inhi ke baagh ke gul, Sabirؒ o Nizam-ud-dinؒ
Base hain dil mein mere, dilbaran-e-gunj-e-shakarؒ
جواِن کے دوست ہیں وہ سُرخرو جہاں میں ہیں
ذلیل و خوار ہُوئے ، دُشمنانِ گنجِ شکرؒ
Jo in ke dost hain wo surkhuro jahan mein hain
Zaleel o khwar huye, dushmanan-e-gunj-e-shakarؒ
جدھر بھی دیکھئے ، ہے سامنے تجلّیِ ذات
جہانِ طُور ہے یکسر ، جہانِ گنجِ شکرؒ
Jidhar bhi dekhiye, hai samne tajalli-e-zaat
Jahan-e-toor hai yaksar, jahan-e-gunj-e-shakarؒ
نصیؔر! اپنی سی کوشش قلم نے کی ، لیکن
تمام ہو نہ سکی ، داستانِ گنجِ شکرؒ
Naseer! apni si koshish qalam ne ki, lekin
Tamaam ho na saki, dastaan-e-gunj-e-shakarؒ
Share This Naat
Share with friends and family
ہُوئے ہیں دیدہ و دل محوِ شانِ گنجِ شکرؒ
سید نصیرالدیں نصیر