تھی جس کے مقّدر میں گدائی ترے در کی
قدرت نے اُسے راہ دکھائی ترے در کی
Thi jis ke maqadar mein gadaayi tere dar ki
Qudrat ne use raah dikhai tere dar ki
ہر وقت ہے اب جلوہ نمائی ترے در کی
تصویر ہی دل میں اُتر آئی ترے در کی
Har waqt hai ab jalwa numaayi tere dar ki
Tasveer hi dil mein utar aayi tere dar ki
ہیں ارض و سماوات تِری ذات کا صدقہ
محتاج ہے یہ ساری خدائی ترے در کی
Hain arz-o-samawat teri zaat ka sadqa
Mohtaaj hai ye saari khudai tere dar ki
انوار ہی انوار کا عالَم نظر آیا
چِلمن جو ذرا مَیں نے اُٹھائی ترے در کی
Anwaar hi anwaar ka aalam nazar aaya
Chilman jo zara main ne uthai tere dar ki
مشرب ہے مِرا تیری طلب، تیرا تصور
مسلک ہے مِرا، صرفِ گدائی ترے در کی
Mashrab hai mera teri talab, tera tasawwur
Maslak hai mera, sirf gadaayi tere dar ki
دَر سے ترے اللہ کا در، ہم کو مِلا ہے
اِس اَوج کا باعث ہے رسائی ترے در کی
Dar se tere Allah ka dar, hum ko mila hai
Is oaj ka ba'is hai rasai tere dar ki
اِک نعمت عُظمیٰ سے وہ محروم رہے گا
جس شخص نے خیرات نہ پائی ترے در کی
Ik ni'mat uzma se woh mahroom rahe ga
Jis shakhs ne khairat na paayi tere dar ki
مَیں بُھول گیا نقش و نگارِ رُخِ دُنیا
صورت جو مِرے سامنے آئی ترے در کی
Main bhool gaya naqsh-o-nigaar-e-rukh-e-duniya
Soorat jo mere samne aayi tere dar ki
تازیست ترے در سے مِرا سَر نہ اُٹھے گا
مَر جاؤں تو ممکن ہے جدائی ترے در کی
Ta-zeest tere dar se mera sar na uthe ga
Mar jao'n to mumkin hai judai tere dar ki
صد شکر کہ مَیں بھی ہُوں بھِکاری ترے در کا
صد فخر کہ حاصل ہے گدائی ترے در کی
Sad shukr ke main bhi hoon bhikaari tere dar ka
Sad fakhr ke haasil hai gadaayi tere dar ki
پھر اُس نے کوئی اور تصّور نہیں باندھا
ہم نے جسے تصویر دِکھائی ترے در کی
Phir us ne koi aur tasawwur nahin baandha
Hum ne jise tasveer dikhai tere dar ki
ہے میرے لیے تو یہی معراجِ عبادت
حاصل ہے مجھے ناصیہ سائی ترے در کی
Hai mere liye to yahi maaraj-e-ibadat
Hasil hai mujhe naasiya saayi tere dar ki
آیا ہے نصیرؔ آج تمنا یہی لے کر
پلکوں سے کیئے جائے صفائی ترے در کی
Aaya hai Naseer aaj tamanna yahi le kar
Palkon se kiye jaaye safai tere dar ki
Share This Naat
Share with friends and family
تھی جس کے مقّدر میں گدائی ترے در کی
سید نصیرالدیں نصیر