Manqabat
حسین کے نامِ پاک پر آج نوری میلہ جو سج گیا ہے
حسین کے نامِ پاک پر آج نوری میلہ جو سج گیا ہے
یہ نور احمد کا ہے تصدق ہر ایک نوری بنا ہوا ہے
Husayn ke naam-e-pak par aaj noori mela jo saj gaya hai
ye noor Ahmad ka hai tasadduq har aik noori bana hua hai
ہے نور ہی نور خاندانِ رسولِ اعظم کا بچّہ بچّہ
طہارتِ اہلِ بیت کی تو قرآن تصدیق کر رہا ہے
hai noor hi noor khandan-e-Rasool-e-aazam ka bachcha bachcha
taharat-e-ahl-e-bait ki to Qur'an tasdiq kar raha hai
تحفظِ دیں کا پاس ان کو شہید ہونے کی آس ان کو
حسین والے یہ جانتے ہیں خدا کا وعدہ بہت بڑا ہے
tahaffuz-e-deen ka paas unko shaheed hone ki aas unko
Husayn wale ye jaante hain khuda ka wada bohot bara hai
نبی کا یہ لاڈلا نواسا کھڑا ہے میداں میں بھوکا پیاسا
وہ جس کا کوثر پہ ہے اجارہ اسی کا سوکھا ہوا گلا ہے
nabi ka ye laadla nawasa khara hai maidan mein bhooka pyasa
wo jis ka kausar pe hai ajara usi ka sookha hua gala hai
بھتیجے بیٹے ہیں گرتے جاتے جگر کے ٹکڑے ہیں کٹتے جاتے
حسین آگے ہیں بڑھتے جاتے رواں جناں کو یہ قافلہ ہے
bhateeje betay hain girte jaate jigar ke tukde hain kattte jaate
Husayn aage hain badhte jaate rawan jannat ko ye qafila hai
یزیدیوں کے پرے ہٹائے فرات پر وہ امام آئے
مگر یہ پانی پئیں تو کیسے خیال زینب کا آگیا ہے
Yazidiyon ke paray hataaye furaat par wo imam aaye
magar ye pani pie to kaise khayal Zainab ka aagaya hai
ہماری ساری نمازیں قرباں اس ایک سجدے کی عظمتوں پر
وہ سجدہ جو فاطمہ کے بیٹے نے کربلا میں ادا کیا ہے
humari sari namazen qurbaaN us aik sajdah ki azmaton par
wo sajdah jo Fatima ke betay ne Karbala mein ada kiya hai
خدا کے رستے میں گھر لٹانا ہمیشہ حق کا ہی ساتھ دینا
یہ وہ سبق ہے حسین نے جو گلا کٹا کے ہمیں دیا ہے
khuda ke raste mein ghar lutaana hamesha Haq ka hi saath dena
ye wo sabaq hai Husayn ne jo gala kata ke humein diya hai
حسین کا نام اور ماتم نہیں یہ اہلِ سنن کا شیوہ
شہید مرتے نہیں ہیں نظمی قرآن اعلان کر رہا ہے
Husayn ka naam aur maatam nahi ye ahl-e-sunan ka shewa
shaheed marte nahi hain Nazmi Qur'an aailan kar raha hai
Share This Naat
Share with friends and family
حسین کے نامِ پاک پر آج نوری میلہ جو سج گیا ہے
سید آل رسول حسنین میاں برکاتی نظمی