شبیرِ نا مدار پہ لاکھوں سلام ہوں
شایانِ ذوالفقار پہ لاکھوں سلام ہوں
Shabbir-e-Na Madar pe lakhon salam hon
Shaayan-e-Zulfiqar pe lakhon salam hon
جس دوش پر نجاتِ دو عالم کا بار ہے
اس دوش کے سوار پہ لاکھوں سلام ہوں
Jis dosh par najat-e-do aalam ka baar hai
Us dosh ke sawar pe lakhon salam hon
گل ہائے دیں کو رنگ ملا جس کے خون سے
اس نازشِ بہار پہ لاکھوں سلام ہوں
Gul haaye deen ko rang mila jis ke khoon se
Us nazish-e-bahaar pe lakhon salam hon
شامل رہا جو سبطِ پیمبرؐ کی فوج میں
ہر اس وفار شعار پہ لاکھوں سلام ہوں
Shaamil raha jo sabt-e-Paighambar (ﷺ) ki fouj mein
Har us wafar shaar pe lakhon salam hon
بیمار پر سلام ، علمدار پر سلام
ہر ایک جاں نثار پہ لاکھوں سلام ہوں
Beemaar par salam, Alamdar par salam
Har aik jaan nisaar pe lakhon salam hon
ہوں اَن گنت سلام بناتِ رسولؐ پر
مردانِ کار زار پہ لاکھوں سلام ہوں
Hoon an ginate salam banaat-e-Rasool (ﷺ) par
Mardaan-e-karzaar pe lakhon salam hon
پیوست جس کے حلق میں تیرِ عدو ہوا
اس طفلِ شیر خوار پہ لاکھوں سلام ہوں
Pewast jis ke halaq mein teer-e-adu hua
Us tifl-e-sheer khwaar pe lakhon salam hon
گوہر بکھیرتی ہے جو یادِ امام میں
اس چشمِ اشکبار پہ لاکھوں سلام ہوں
Gohar bikhertee hai jo yaad-e-Imam mein
Us chashm-e-ashkbaar pe lakhon salam hon
تائبؔ غمِ شہید رہے جس میں ہر گھڑی
اس قلبِ سوگوار پہ لاکھوں سلام ہوں
Taib (ؔ) gham-e-shaheed rahe jis mein har ghari
Us qalb-e-sogwaar pe lakhon salam hon
Share This Naat
Share with friends and family
شبیرِ نا مدار پہ لاکھوں سلام ہوں
حفیظ تائب