اے صبا لے کے تو آ ان کے بدن کی خوشبو
میں بھی سونگھوں ذرا جنت کے چمن کی خوشبو
Ae saba le ke tu aa un ke badan ki khushboo
Main bhi songhoon zara jannat ke chaman ki khushboo
یوں تو قرآن ہے اللہ تعالیٰ کا کلام
اس سے آتی ہے کسی مشک دہن کی خوشبو
Yoon to Quran hai Allah ta'ala ka kalam
Is se aati hai kisi mushk dahan ki khushboo
جس پہ اک بار رکھا آقا نے دستِ شفقت
مرتے دم تک نہ گئی مشکِ ختن کی خوشبو
Jis pe ek baar rakha aaqa ne dast-e-shafqat
Marte dam tak na gayi mushk-e-khatan ki khushboo
میرے آقا کا کرم ابر سا برسا ہے جہاں
طوبیٰ سے بڑھ کے ہے طیبہ کے چمن کی خوشبو
Mere aaqa ka karam abr sa barsa hai jahan
Tooba se barh ke hai Taiba ke chaman ki khushboo
نوشہء بزمِ جہاں سیر کو آیا ہے یہاں
آج جنت نے لگائی ہے دولہن کی خوشبو
Noshah-e-bazm-e-jahan sair ko aaya hai yahan
Aaj jannat ne lagai hai dulhan ki khushboo
مدح قرآن میں ہے زلف و رخِ احمد کی
پوچھو صدیق سے مخمور نَیَن کی خوشبو
Madh Quran mein hai zulf o rukh-e-Ahmad ki
Poocho Siddiq se makhmoor nayan ki khushboo
جس چٹائی نے تنِ پاک پہ چھوڑے ہیں نشاں
اس چٹائی کو ملی مشکِ ختن کی خوشبو
Jis chatai ne tan-e-paak pe chhoray hain nishaan
Us chatai ko mili mushk-e-khatan ki khushboo
اوڑھ لی جس نے رِدا حبِّ حبیبِ رب کی
حشر تک پھیکی نہ ہو اس کے کفن کی خوشبو
Orh li jis ne rida hubb-e-Habib-e-Rabb ki
Hashr tak pheeki na ho us ke kafan ki khushboo
نکہتِ فاطمہ زہرا سے معطر ہے جہاں
دور تک پھیلی حسین اور حسن کی خوشبو
Nekhat-e-Fatima Zahra se muattar hai jahan
Door tak phaili Hussain aur Hasan ki khushboo
خاکِ طیبہ مرے سینے سے لگائے رکھنا
قبر میں آئے مجھے شاہِ زمن کی خوشبو
Khaak-e-Taiba mere seene se lagae rakhna
Qabr mein aaye mujhe Shah-e-Zaman ki khushboo
یوں تو ہے ہند وطن میرا کئی پشتوں سے
طیبہ سے آتی ہے روحانی وطن کی خوشبو
Yoon to hai Hind watan mera kai pushton se
Taiba se aati hai roohani watan ki khushboo
قادری چشتی مہک بڑھ گئی مارہرہ میں
یوں تو پہلے سے ہی تھی گنگ و جمن کی خوشبو
Qadri Chishti mehak barh gayi Marhra mein
Yoon to pehle se hi thi Gang o Jaman ki khushboo
ہجر میں آپ کے اچھا نہیں لگتا کچھ بھی
یا نبی اب تو سنگھا دیجیے ملن کی خوشبو
Hijr mein aap ke acha nahi lagta kuch bhi
Ya Nabi ab to sangha deejiye milan ki khushboo
آپ سے دور رہوں یہ مجھے منظور نہیں
میرے سرکار سنگھا دیجیے ملن کی خوشبو
Aap se door rahoon yeh mujhe manzoor nahi
Mere Sarkar sangha deejiye milan ki khushboo
انتظار کرم تست من نظمی را
یا نبی اب تو سنگھا دیجیے ملن کی خوشبو
Intezaar karam tast man Nazmi ra
Ya Nabi ab to sangha deejiye milan ki khushboo
نظمی صاحب نے چنی ہے بڑی سنگلاخ زمیں
پھر بھی ہر شعر میں ہے نعت کے فن کی خوشبو
Nazmi sahab ne chuni hai badi sanglakh zameen
Phir bhi har she'r mein hai naat ke fan ki khushboo
Share This Naat
Share with friends and family
اے صبا لے کے تو آ ان کے بدن کی خوشبو
سید آل رسول حسنین میاں برکاتی نظمی