کائناتِ زمیں ہے عقبیٰ ہے
جو بھی ہے سب نبیؐ کا صدقہ ہے
Kainaat-e-zameen hai uqba hai
Jo bhi hai sab Nabiؐ ka sadqa hai
جو نہ آئے حدِ تعین میں
میرے سرکار کا وہ رتبہ ہے
Jo na aaye had-e-ta'yun mein
Mere Sarkar ka woh rutba hai
زلف، تفسیرِ سورۂ واللیل
شرحِ والشّمس روئے زیبا ہے
Zulf, tafseer-e-Surah-e-Wal'layl
Sharh-e-Wash'Shams rooye zeba hai
دیکھنا حشر میں چلن اس کا
عز و شانِ نبیؐ کا سکہ ہے
Dekhna hashr mein chalan us ka
Iz o shan-e-Nabiؐ ka sikka hai
وجہِ تخلیقِ کائنات ہیں آپ
ہر طرف آپ ہی کا جلوہ ہے
Wajh-e-takhleeq-e-kainaat hain aap
Har taraf aap hi ka jalwa hai
راہِ حق سے کوئی نہ بھٹکے گا
سامنے گر نبیؐ کا اسوہ ہے
Raah-e-haq se koi na bhatke ga
Samne gar Nabiؐ ka uswa hai
ہیں شفا بخش جس کے گرد و غبار
پاک ایسی زمینِ بطحا ہے
Hain shifa bakhsh jis ke gard o ghubar
Pak aisi zameen-e-Bat'haa hai
عاشقانِ نبیؐ کی نظروں میں
رشکِ باغِ جناں مدینہ ہے
Aashiqan-e-Nabiؐ ki nazron mein
Rashk-e-bagh-e-jinan Madina hai
چار یار رسولؐ سے الفت
رکھنے والا ہی خوش عقیدہ ہے
Chaar yaar Rasoolؐ se ulfat
Rakhne wala hi khush aqeeda hai
نقشِ پائے رسولؐ ہی احسؔن
مشعلِ راہِ دین و دنیا ہے
Naqsh-e-paye Rasoolؐ hi Ahsan
Mash'al-e-raah-e-deen o duniya hai
Share This Naat
Share with friends and family
کائناتِ زمیں ہے عقبیٰ ہے
احسن اعظمی