اے خدا شکر کہ اُن پر ہوئیں قرباں آنکھیں
اُن کی دہلیز پہ رکھ آیا ہوں گِریاں آنکھیں
Ae Khuda shukar keh un par hui qurban aankhein
Un ki dehleez pe rakh aaya hoon giryaaan aankhein
گنبد ِ سبز کے جلووں نے کیا ہے سیراب
کتنی شاداب ہوئی جاتی ہیں ویراں آنکھیں
Gunbad-e-Sabz ke jalwon ne kiya hai seeraab
Kitni shaadaab hui jaati hain veeraan aankhein
ہر گھڑی ان میں مدینے کے اُجالے اتریں
اے خدا کر دے مرے دل کی فروزاں آنکھیں
Har ghari in mein Madine ke ujale utren
Ae Khuda kar de mere dil ki furozaan aankhein
جب نظر آئیں گے محشر میں شفیعِ محشرؐ
مسکرا اٹھیں گی میری بھی ہراساں آنکھیں
Jab nazar aayenge Mahshar mein Shafi-e-Mahshar (ﷺ)
Muskura uthengi meri bhi harasaan aankhein
اُنؐ کے قدموں سے ملی دونوں جہاں کی تسکیں
جگمگا اُٹھی ہیں اب میری بھی حیراں آنکھیں
Un (ﷺ) ke qadmon se mili dono jahan ki taskeen
Jagmaga uthhi hain ab meri bhi hairaan aankhein
بس گئی جب سے بصارت میں سنہری جالی
آگئیں وجد میں فیضیؔ مری بے جاں آنکھیں
Bas gayi jab se basarat mein sunehri jaali
Aagayin wajd mein Faizi meri be jaan aankhein
Share This Naat
Share with friends and family
اے خدا شکر کہ اُن پر ہوئیں قرباں آنکھیں
اسلم فیضی