اپنی مرضی سے کہاں نعتِ نبی کہتے ہیں
اس کو فیضانِ رسولِ عربی کہتے ہیں
Apni marzi se kahan naat-e-nabi kehte hain
Is ko faizaan-e-rasool-e-arabi kehte hain
عشق میں ڈوب کے جو نعتِ نبی کہتے ہیں
ایک اِک حرف کو ہم حرفِ جلی کہتے ہیں
Ishq mein doob ke jo naat-e-nabi kehte hain
Ek ek harf ko hum harf-e-jali kehte hain
تو سمجھتا ہے جسے عرش کی جنت رضواں
ہم اسے شہرِ مدینہ کی گلی کہتے ہیں
Tu samajhta hai jise arsh ki jannat rizwan
Hum use shehr-e-madina ki gali kehte hain
زہدوتقویٰ پہ کسی کے نہیں جاتے ہم تو
عشقِ آقا بھی اگر ہو تو ولی کہتے ہیں
Zohd o taqwa pe kisi ke nahi jaate hum to
Ishq-e-aqa bhi agar ho to wali kehte hain
پیکرِ نور ہے جو رحم و کرم سرتاپا
ہاں اُنہی کو تو رسولِ عربی کہتے ہیں
Paikar-e-noor hai jo rehm o karam sartaapa
Haan unhi ko to rasool-e-arabi kehte hain
اپنے محبوب سے اک بار ملا دے یارب
ہم تو ہر بار دعائوں میں یہی کہتے ہیں
Apne mehboob se ek baar mila de ya rab
Hum to har baar duaon mein yahi kehte hain
جس کو حاصل مرے آقا کی ولادت کا شرف
ہاں شفیقؔ اُس کو ہی مسعود گھڑی کہتے ہیں
Jis ko hasil mere aqa ki wiladat ka sharaf
Haan Shafiq usko hi masood ghari kehte hain
Share This Naat
Share with friends and family
اپنی مرضی سے کہاں نعتِ نبی کہتے ہیں
شفیق ؔ رائے پوری