اپنی ہستی کا اگر حسن نمایاں ہو جائے
آدمی کثرت انوار سے حیراں ہو جائے
Apni hasti ka agar husn numayan ho jaye
Admi kasrat-e-anwaar se hairaan ho jaye
تم جو چاہو تو میرے درد کا درماں ہو جائے
ورنہ مشکل ہے کہ مشکل میری آساں ہو جائے
Tum jo chaho to mere dard ka darman ho jaye
Warna mushkil hai ke mushkil meri aasan ho jaye
او نمک پاس تجھے اپنی ملاحت کی قسم
بات تو جب ہے کہ ہر زخم نمک داں ہو جائے
O namak paas tujhe apni malaahat ki qasam
Baat to jab hai ke har zakham namak-dan ho jaye
دینے والے ہو دینا ہے تو اتنا دے دے
کہ مجھے شکوہ کوتاہئی داماں ہو جائے
Dene wale ho dena hai to itna de de
Ke mujhe shikwa-e-kutahi-e-daaman ho jaye
اس سیہ بخت کی راتیں بھی کوئی راتیں ہیں
خواب راحت بھی جسے خواب پریشاں ہو جائے
Is siyah bakht ki raatein bhi koi raatein hain
Khawab-e-raahat bhi jise khawab-e-pareshaan ho jaye
خواب میں بھی نظر آجائیں تو آثار بہار
بڑھ کے دامن سے ہم آغوش گریباں ہو جائے
Khawab mein bhi nazar aajayein to asaar-e-bahaar
Barh ke daaman se hum aaghush-e-garebaan ho jaye
سینه شبلی و منصور تو پھونکا تو نے
اس طرف بھی کرم اے جنبش داماں ہو جائے
Seen-e-Shibli o Mansoor to phoonka tu ne
Is taraf bhi karam ae janbish-e-daaman ho jaye
آخری سانس بنے زمزمہ ہوا اپنا
ساز مضراب فنا تار رگ جاں ہو جائے
Aakhri saans bane zamzama-e-hawa apna
Saaz-e-mizraab-e-fana taar-e-rag-e-jaan ho jaye
تو جو اسرار حقیقت کہیں ظاہر کر دے
ابھی بیدم رسن و دار کا ساماں ہو جائے
Tu jo asrar-e-haqiqat kahin zaahir kar de
Abhi Bedam rasan o daar ka saamaan ho jaye
ذرہ ذرہ سے تیرا حسن نمایاں ہو جائے
اس کی پرواہ نہیں نظارا پریشاں ہو جائے
Zarrah zarrah se tera husn numayan ho jaye
Is ki parwaah nahi nazara pareshaan ho jaye
جی بہلنے کا جنوں میں کوئی ساماں ہو جائے
گھر گریباں میں ہو یا گھر گریباں ہو جائے
Ji bahaal ne ka junoon mein koi saamaan ho jaye
Ghar garebaan mein ho ya ghar garebaan ho jaye
دل وہی دل ہے جو خاک راہ محبوب بنے
جان وہ جاں ہے جو یار پہ قرباں ہو جائے
Dil wohi dil hai jo khaak-e-raah-e-mahboob bane
Jaan woh jaan hai jo yaar pe qurbaan ho jaye
زاہد اس کو کہیں جانے کی ضرورت کیا ہے
کعبہ جس کیلئے سنگ در جاناں ہو جائے
Zahid is ko kahin jane ki zarurat kya hai
Kaa’ba jis kay liye sang-e-dar-e-janaan ho jaye
اک دم میں حرم دیر کے جھگڑے مٹ جائیں
یار کا حسن بے پردہ نمایاں ہو جائے
Ek dam mein haram o deir ke jhagray mit jayein
Yaar ka husn bez parda numayan ho jaye
تیرے قبضے میں ہے جب تک ہے تیری یاد رہے
میرے سر تک جو پہنچ جائے تو احساں ہو جائے
Tere qabze mein hai jab tak hai teri yaad rahe
Mere sar tak jo pohoch jaye to ehsaaan ho jaye
یا تو پہنچا دے گلستاں میں قفس کو صیاد
یا یہی گنج قفس صحن گلستاں ہو جائے
Ya to pohocha de gulistaan mein qafas ko siyaad
Ya yehi ganj-e-qafas sahn-e-gulistaan ho jaye
یہ بھی اک معجزہ وحشت دل ہے بیدم
کہ میری خاک کا ہر ذرہ بیاباں ہو جائے
Ye bhi ek mojza-e-wahshat-e-dil hai Bedam
Ke meri khaak ka har zarrah beyaa’baan ho jaye
Share This Naat
Share with friends and family
اپنی ہستی کا اگر حسن نمایاں ہو جائے
بیدم شاہ وارثی