Manqabat
حُسن ِ تخلیق کا شہکار حسین ابنِ علی
حُسن ِ تخلیق کا شہکار حسین ابنِ علی
عشق کا مطلعِ انوار، حسین ابنِ علی
Husn-e-Takhleeq ka Shahkar, Hussain Ibn-e-Ali
Ishq ka Matla-e-Anwar, Hussain Ibn-e-Ali
گُلِ گُلزارِ حرم، زُبدہء آلِ ہاشم
نُورِ چشمِ شہِؐ ابرار ، حسین ابنِ علی
Gul-e-Gulzar-e-Haram, Zubda-e-Aal-e-Hashim
Noor-e-Chashm-e-Sha-e-Abrar, Hussain Ibn-e-Ali
فتنہء کفر و فسوں سازیء باطل کے خلاف
جراتِ حیدرِ کرّار، حسین ابنِ علی
Fitna-e-Kufr o Fuson Sazi-e-Batil ke Khilaf
Jur-at-e-Haidar-e-Karraar, Hussain Ibn-e-Ali
کشتِ ایمان و چمن زارِ صداقت ، اسلام
موجِ گُل، ابرِ گہر بار، حسین ابنِ علی
Kasht-e-Imaan o Chaman Zar-e-Sadaqat, Islam
Mauj-e-Gul, Abr-e-Gohar Baar, Hussain Ibn-e-Ali
حق نے باطل کو بہ ہر حال پنپنے نہ دیا
اِس حقیقت کا ہیں اظہار ، حسین ابنِ علی
Haq ne Batil ko bah har haal Panpne na diya
Is Haqeeqat ka hain Izhaar, Hussain Ibn-e-Ali
مظہر ِ صدق و صفا ، پیکرِ تسلیم و رِضا
پر توِ احمدِؐ مختار ، حسین ابنِ علی
Mazhar-e-Sidq o Saffa, Paikar-e-Tasleem o Ri-rza
Par-to-e-Ahmad-e-Mukhtar, Hussain Ibn-e-Ali
ایک لعنت ہے زمانے کے لیے فعلِ یزید
اک سعادت ترا کردار ، حسین ابنِ علی
Ek Lanat hai Zamanay ke liye Fa'il-e-Yazeed
Ek Sa'adat tera Kirdar, Hussain Ibn-e-Ali
محفلِ اہلِ موَدَّت میں مثالِ نکہت
رزم میں برقِ شرر بار، حسین ابنِ علی
Mehfil-e-Ahl-e-Moddat mein Misaal-e-Nikhat
Razm mein Barq-e-Sharar Baar, Hussain Ibn-e-Ali
بزمِ ایمان و صداقت کے لیے شمعِ وفا
صدق و اخلاص کا معیار، حسین ابنِ علی
Bazm-e-Imaan o Sadaqat ke liye Shama-e-Wafa
Sidq o Ikhlaas ka Miyar, Hussain Ibn-e-Ali
کچھ غمِ ذات، نہ اولاد و اقارب کا ملال
غمِ انساں میں دل افگار، حسین ابنِ علی
Kuch Gham-e-Zaat, na Aulaad o Aqarib ka Malal
Gham-e-Insaan mein Dil Afgar, Hussain Ibn-e-Ali
نرغہء ظلم میں بھی پیشِ خدا سر بہ سُجُود
اپنے خالق کا وفادار ، حسین ابنِ علی
Nargh-e-Zulm mein bhi Pesh-e-Khuda Sar be Sujood
Apne Khaliq ka Wafa-daar, Hussain Ibn-e-Ali
دوزخی، آپ کے رُتبے سے کہاں واقف ہیں
اہلِ جنّت کے ہیں سردار ، حسین ابنِ علی
Dozakhi, Aap ke Rutbay se kahaan Waaqif hain
Ahl-e-Jannat ke hain Sardar, Hussain Ibn-e-Ali
رہبرِ قافلہء منزلِ عرفانِ و سُلوک
سرورِ زُمرہء اخیار ، حسین ابنِ علی
Rahbar-e-Qafila-e-Manzil-e-Irfan o Sulook
Sarwar-e-Zumrah-e-Akhyaar, Hussain Ibn-e-Ali
حق جہاں جلوہ نُما ہوگا ، وہاں تُو ہوگا
چار سُو ہے ترا دیدار ، حسین ابنِ علی
Haq jahan Jalwah Numa hoga, wahan tu hoga
Chaar Soo hai tera Deedar, Hussain Ibn-e-Ali
تیری سرکار میں جھُکتا ہے دلِ ہر مظلوم
سب کو ہے تجھ سے سروکار ، حسین ابنِ علی
Teri Sarkar mein Jhukta hai Dil-e-Har Mazloom
Sab ko hai Tujh se Sarokaar, Hussain Ibn-e-Ali
آستاں پر ترے آیا ہے تہی دست، نصیؔر
تِرا دربار ہے دربار، حسین ابنِ علی
Aastan par tere Aaya hai Tehi-dast, Naseer
Tera Darbar hai Darbar, Hussain Ibn-e-Ali
Share This Naat
Share with friends and family
حُسن ِ تخلیق کا شہکار حسین ابنِ علی
سید نصیرالدیں نصیر