Manqabat
آگ سی دل میں لگی آنکھ سے چھلکا پانی
آگ سی دل میں لگی آنکھ سے چھلکا پانی
کس کا غم ہے کہ ہُوا اپنا کلیجہ پانی
Aag si dil mein lagi aankh se chhalka paani
Kis ka gham hai keh hua apna kaleja paani
آنسؤوں کی غمِ شبیر میں بدلی صُورت
بن گیا آنکھوں میں طوفان، جو اُمڈ ا پانی
Ansuon ki gham e Shabbir mein badli soorat
Ban gaya aankhon mein toofan, jo umda paani
گھاٹ پر آکے بھی عبّاس نے لب تَر نہ کیئے
ہاتھ آیا تو ، مگر کام نہ آیا پانی
Ghaat par aake bhi Abbas ne lab tar na kiye
Haath aaya to, magar kaam na aaya paani
تپشِ عشق و وفا جن کے کلیجے پھُونکے
پیاس کیا اُن کی بجھائے گا ، ذرا سا پانی
Tapish e ishq o wafa jin ke kaleje poonke
Pyaas kya un ki bujhaye ga, zara sa paani
تجھ پر اللہ کی لعنت ہو یزیدی لشکر
وارثِ کوثر و تسنیم پہ روکا ، پانی
Tujh par Allah ki lanat ho Yazidi lashkar
Waris e Kausar o Tasneem pe roka, paani
آہ! وہ حضرتِ شبّیر پہ بیدار و ستم
فتنہ کیشوں سے وہ ہر گام پر ایذا "پانی "
Aah! Woh Hazrat e Shabbir pe bedaar o sitam
Fitna keshon se woh har gaam par aeza "paani"
بد دُعا دیتے اگر ابنِ علی دریا کو
ڈھونڈتا پھرتا ، مگر ہاتھ نہ آتا پانی
Bad dua dete agar Ibn e Ali darya ko
Dhoondta phirta, magar haath na aata paani
مضطرب ہے کہ شہیدوں کے لبوں تک پہنچے
پہرے دُشمن کے لگے ہوں تو کرے کیا پانی
Muztarib hai keh shaheedon ke labon tak pohnche
Pehre dushman ke lage hon to kare kya paani
جس نے پی ہو مئے تسلیم و رِضا روزِ ازل
اُس کی دانست میں کیا چیز ہے دریا، پانی
Jis ne pi ho mai e tasleem o raza roz e azal
Us ki danist mein kya cheez hai darya, paani
یہ مسافر کی نگہداشت ، یہ مہمان کی قدر
کربلا میں نہ مِلا شاہ کو دانہ ، پانی
Yeh musaafir ki nigehdaasht, yeh mehmaan ki qadr
Karbala mein na mila shah ko dana, paani
تشنگی دیکھ کے دریا کو اگر جوش آتا
سامنے حضرتِ شبّیر کے بھرتا پانی
Tashnagi dekh ke darya ko agar josh aata
Samne Hazrat e Shabbir ke bharta paani
بوند پانی کی نہ تھی آلِ محمدؐ کیلئے
اور، پیتی رہی دُنیا لبِ دریا ، پانی
Boond paani ki na thi Aal e Muhammadؐ ke liye
Aur, peeti rahi duniya lab e darya, paani
کربلا میں شہِ دیں تک جو پہنچنے پاتا
فخر سے پاؤں زمیں پر کہیں دھرتا پانی
Karbala mein shah e deen tak jo pohnchne paata
Fakhr se paaon zameen par kahin dharta paani
اِس خجالت سے کہ شبیر کو پانی نہ مِلا
ساری دُنیا میں لیے پھرتا ہے دریا ، پانی
Is khajalat se ke Shabbir ko paani na mila
Saari duniya mein liye phirta hai darya, paani
کربلا تھی علی اصغر کے لہو سے لرزاں
اِس قدر ظلم کہ سَر سے ہُوا اُونچا ، پانی
Karbala thi Ali Asghar ke lahoo se larzaan
Is qadar zulm ke sar se hua ooncha, paani
پاؤں رکھّے گا زمیں پر نہ کبھی میرا غبار
کُوئے شبّیر میں آخر ہے اِسے جا " پانی "
Paaon rakhe ga zameen par na kabhi mera ghubaar
Koo e Shabbir mein aakhir hai ise ja "paani"
غرقِ حیرت تھا نصیؔر ! اہلِ ستم کا جمگھٹ
تیغِ اکبر نے وہ میداں میں دکھایا ، پانی
Gharq e hairat tha Nasir! Ahl e sitam ka jamghat
Tegh e Akbar ne woh meydan mein dikhaya, paani
Share This Naat
Share with friends and family
آگ سی دل میں لگی آنکھ سے چھلکا پانی
سید نصیرالدیں نصیر