حضرت بلالؓ حبشی جو صحرا کی دُھول تھے
جب بارگاہِ ناز میں پہنچے تو پھول تھے
Hazrat Bilalؓ Habshi jo sehra ki dhool the
Jab bargah-e-naaz mein puhnche to phool the
وہ ہوں غلامِ مصطفیؐ یہ شوق تھا انہیںؓ
عشقِ محمدیؐ کا بڑا ذوق تھا انہیںؓ
Woh hoon ghulam-e-Mustafaؐ yeh shauq tha unheinؓ
Ishq-e-Muhammadiؐ ka bada zouq tha unheinؓ
ارض و سماء میں شہرہ تھا اُنؓ کی اذان کا
تھا لاڈلا غلام ، شہِ دوجہانؐ کا
Arz o sama mein shehra tha unؓ ki azaan ka
Tha laadla ghulam, shah-e-dojahanؐ ka
جب لیتے نامِ نامی خدا کے حبیبؐ کا
نظریں اُٹھا کے دیکھتے جلوہ قریب کا
Jab lete naam-e-naami Khuda ke Habibؐ ka
Nazrain utha ke dekhte jalwa qareeb ka
بعد از وصال آقاؐ و سرکارِؐ دوجہاںؐ
غمناک ہو کے چھوڑ دی اُس وقت سے اذاں
Ba'ad az visaal aaqaؐ o sarkarؐ dojahanؐ
Ghamnaak ho ke chor di us waqt se azaan
بے چین و مضطرب تھے فراقِ رسولؐ میں
کانٹا چبھا تھا ہجر کا نرگس کے پھول میں
Be chain o muztarib the firaq-e-Rasoolؐ mein
Kaanta chubha tha hijr ka nargis ke phool mein
شیدا تھا جان و دل سے وہ عالی جنابؐ کا
پروانہ تھا وہ شمعِ رسالتمآبؐ کا
Sheeda tha jaan o dil se woh aali janabؐ ka
Parwana tha woh shama-e-Rasalatmaabؐ ka
بولے کہ لٹ گئی ہے متاعِ حیات بھی
قسمت نے چھین لی ہے مری کائنات بھی
Bole ke lut gayi hai mata-e-hayat bhi
Qismat ne cheen li hai meri kainaat bhi
ممکن نہیں ہے جلوئہ سرکارؐ کے بغیر
دھڑکے گا کیسے دل مرا دلدار کے بغیر
Mumkin nahin hai jalwar-e-sarkarؐ ke baghair
Dhadke ga kaise dil mera dildar ke baghair
اب میں رہوں مدینے میں کس کام کے لئے
دیجے مجھے بھی اِذنِ سفر شام کے لئے
Ab mein rahoon Madine mein kis kaam ke liye
Dije mujhe bhi izn-e-safar Shaam ke liye
صدیقؓ چاہتے تھے رکھیں آپؓ کو قریں
فرمایا بس بلالؓ نہیں جانا اب کہیں
Sadiqؓ chahte the rakhein aapؓ ko qareen
Farmaaya bas Bilalؓ nahi jana ab kahin
کی عرض اے نبیء مکرمؐ کے یارِ غار
مانا کہ مجھ پہ آپؓ کے احساں ہیں بے شمار
Ki arz ae Nabi-e-Mukarramؐ ke yaar-e-ghaar
Mana ke mujh pe aapؓ ke ehsaaan hain be-shumaar
اپنے لئے جو مجھ کو خریدا ہے آپؓ نے
بے شک پھر اپنے قول سے انکار کیجئے
Apne liye jo mujh ko khareeda hai aapؓ ne
Be shakk phir apne qoul se inkaar kijiye
گر آپؓ نے خریدا ہے اللہ کے لئے
مجھ کو خدا کے واسطے پھر چھوڑ دیجئے
Gar aapؓ ne khareeda hai Allah ke liye
Mujh ko Khuda ke wastay phir chhor dijiye
دے دی ابوبکرؓ نے اجازت بلالؓ کو
پھر کر دیا جہاد پہ رخصت بلالؓ کو
De di Abu Bakrؓ ne ijazat Bilalؓ ko
Phir kar diya jehad pe rukhsat Bilalؓ ko
بعد از جہادِ شام ، وہیں پر کیا قیام
حد درجہ سوگوار تھے اک روز یہ غلام
Ba'ad az jahaad-e-Shaam, wahi par kiya qiyam
Had darja sogwaar the ek roz ye ghulam
روتے تھے کر کے یاد مدینہ کے صبح و شام
جب تک رہے ہیں دُور مدینہ سے یہ غلام
Rote the kar ke yaad Madina ke subah o shaam
Jab tak rahe hain door Madina se ye ghulam
سوئے تو جاگ اُٹھا مقدر بلالؓ کا
دیدار ہوا شاہؐ کے حسن و جمال کا
Soye to jaag utha muqaddar Bilalؓ ka
Deedar hua Shahؐ ke husn o jamaal ka
آئے حضورؐ خواب میں ، فرمایا اے بلالؓ
مجھ کو کیا ہے تیری جفائوں نے پُر ملال
Aaye Huzoorؐ khwab mein, farmaaya ae Bilalؓ
Mujh ko kiya hai teri jafaon ne pur malaal
آتے نہیں ہو مجھ سے ملاقات کے لئے
یہ کیسی چاہتیں ہیں مریؐ ذات کے لئے
Aate nahi ho mujh se mulaqat ke liye
Ye kaisi chaahten hain meriؐ zaat ke liye
کھلتے ہی آنکھ عازمِ کوئے نبیؐ ہوئے
رُخ فکر کے ، خیال کے ، سوئے نبیؐ ہوئے
Khalte hi aankh aazim-e-kooye Nabiؐ hue
Rukh fikr ke, khayal ke, sooye Nabiؐ hue
حاضر ہوئے حضورؐ کے روضے پہ اشکبار
روئے لپٹ کے قبرِ منور سے زار و زار
Haazir hue Huzoorؐ ke roza pe ashkbaar
Roy lapath ke qabr-e-munawwar se zaar o zaar
پہنچی خبر مدینہ میں لوٹ آئے ہیں بلالؓ
ملنے کو آئے لوگ اذاں کا کیا سوال
Puhanchi khabar Madina mein laut aaye hain Bilalؓ
Milne ko aaye log azaan ka kiya sawal
حضرت بلالؓ نے کیا انکار بے شمار
اصحابِ مصطفیؐ کا تھا اصرار بار بار
Hazrat Bilalؓ ne kiya inkaar be-shumaar
As'haab-e-Mustafaؐ ka tha israar baar baar
اصحاب نے حسنینؓ کریمین سے کہا
دیں گے اذاں بلالؓ اگر آپؓ نے کہا
As'haab ne Hasanainؓ Karimain se kaha
Denge azaan Bilalؓ agar aapؓ ne kaha
حسنینؓ کو بھی شوقِ اذانِ بلالؓ تھا
اُنؓ کو بھی ذوقِ صوتِ جمیل و جمال تھا
Hasnainؓ ko bhi shauq-e-azaan-e-Bilalؓ tha
Unؓ ko bhi zouq-e-sout-e-jameel o jamaal tha
حسنینؓ کے تقاضے پہ راضی ہوئے بلالؓ
رکھتے نہ تھے یہاں پہ وہ انکار کی مجال
Hasnainؓ ke taqaze pe raazi hue Bilalؓ
Rakhte na the yahan pe woh inkaar ki majaal
مسجد کی چھت سے گونج اُٹھی پھر وہی اذاں
دُہرائی پھر سے دورِ نبوت کی داستاں
Masjid ki chhat se goonj uthi phir wohi azaan
Dohrayi phir se dor-e-nabuwat ki dastaan
جب آیا نامِ نامی اذاں میں حضورؐ کا
ساماں نہیں تھا سامنے دل کے سرور کا
Jab aaya naam-e-naami azaan mein Huzoorؐ ka
Samaan nahi tha samne dil ke suroor ka
نظریں اُٹھائیں عادتاً دیدار کے لئے
جلوہ نہیں تھا عشقِ طلبگار کے لئے
Nazrain uthaein adatan deedar ke liye
Jalwa nahi tha ishq-e-talabgar ke liye
بے چین اشکبار ہوئے ہوش کھو دیئے
مسجد کی چھت پہ گر گئے بے ہوش ہو گئے
Be chain ashkbaar hue hosh kho diye
Masjid ki chhat pe gir gaye be hosh ho gaye
سن کر اذان گھر سے نکل آئیں پردہ دار
پیرو جوان دوڑے کہ لوٹ آئے ذی وقار
Sun kar azaan ghar se nikal aayein pardah daar
Pairo jawan doray ke laut aaye zewaqaar
یہ سوچ کر کے آئے گا دل کو مرے قرار
پہنچا ہر ایک مسجدِ نبوی میں اشکبار
Yeh soch kar ke aaye ga dil ko mere qaraar
Pahucha har ek Masjid-e-Nabawi mein ashkbaar
کھل جائیں ایک پل کو مقدر نگاہ کے
جلوے ملیں اے کاش ہمیں آج شاہؐ کے
Khul jaayein ek pal ko muqaddar nigah ke
Jalway milain ae kash humein aaj Shahؐ ke
صد حیف چشمِ شوق ہوئی مثلِ ریگزار
دیکھا نہ آپؓ کو تو ہوئے سب ہی اشکبار
Sad haif chashm-e-shauq hui masl-e-reigistaan
Dekha na aapؓ ko to hue sab hi ashkbaar
ہر ذہن بے سکون تھا ، دل کو نہ تھا ثبات
اُس روز خوب روئی مدینے میں کائنات
Har zehen be sukoon tha, dil ko na tha sabaat
Us roz khoob royi madina mein kainaat
Share This Naat
Share with friends and family
حضرت بلالؓ حبشی جو صحرا کی دُھول تھے
اشفاق احمد غوری