آپؐ کے صدقے زمیں پر روشنی بھیجی گئی
کتنے ہی افسردہ لوگوں میں خوشی بھیجی گئی
Aap ﷺ ke sadqe zameen par roshni bheji gayi
Kitne hi afsurdah logon mein khushi bheji gayi
آپؐ کی آمد پہ مہکائی گئی یہ کائنات
آپؐ کی آمد پہ خوشبو کی گھڑی بھیجی گئی
Aap ﷺ ki aamad pe mehkaai gayi yeh kainaat
Aap ﷺ ki aamad pe khushboo ki ghari bheji gayi
آپؐ کی آمد پہ جل اٹھے محبت کے چراغ
آپؐ کی آمد پہ شمعِ دوستی بھیجی گئی
Aap ﷺ ki aamad pe jal uthay mohabbat ke charaagh
Aap ﷺ ki aamad pe shama-e-dosti bheji gayi
آپؐ کی آمد پہ سورج بھی نیا لایا گیا
آپؐ کی آمد پہ دنیا بھی نئی بھیجی گئی
Aap ﷺ ki aamad pe sooraj bhi naya laya gaya
Aap ﷺ ki aamad pe duniya bhi nai bheji gayi
آپؐ کی آمد پہ در کھولے گئے سب عِلم کے
آپؐ کی آمد پہ صبحِ آگہی بھیجی گئی
Aap ﷺ ki aamad pe dar khole gaye sab ilm ke
Aap ﷺ ki aamad pe subah-e-aagahi bheji gayi
میرے جیسے بھی ہوئے ابرِ کرم سے فیضیاب
میرے جیسوں کے لیے بھی زندگی بھیجی گئی
Mere jaise bhi hue abr-e-karam se faizyab
Mere jaison ke liye bhi zindagi bheji gayi
آپؐ کی توصیف کی خاطر ہوئے ایجاد لفظ
آپؐ کی خاطر زمیں پر شاعری بھیجی گئی
Aap ﷺ ki tauseef ki khaatir hue ijaad lafz
Aap ﷺ ki khaatir zameen par shayari bheji gayi
کتنے ہی بیمار ذہنوں کو ملی انجؔم شفاء
کتنے ہی بیمار ہونٹوں پر ہنسی بھیجی گئی
Kitne hi beemaar zehno ko mili Anjam shifa
Kitne hi beemaar honnro pe hansi bheji gayi
Share This Naat
Share with friends and family
آپؐ کے صدقے زمیں پر روشنی بھیجی گئی
انجم نیازی