Manqabat
اللہ رے کیا بارگہِ غوثِؒ جلی ہے
اللہ رے کیا بارگہِ غوثِؒ جلی ہے
گردن کو جھُکائے ہوئے ایک ایک ولی ہے
Allah re kya bargah-e-Ghausؒ-e jalli hai
Gardan ko jhukae hue aik aik wali hai
وہ ذات گُلستانِ رسالت کی کلی ہے
نَورُستہء گُلِ گُلشنِ زہرا و علی ہے
Wo zaat gulistan-e-risalat ki kali hai
Naw’rustha-e-gul-e-gulshan-e-Zahra w Ali hai
اولادِ حسن، آلِ حسین ابنِ علی ہے
بیشک شہِؒ بغداد ولی ابنِ ولی ہے
Aulad-e-Hasan, Al-e-Hussain ibn-e-Ali hai
Beshak Shehؒ e Baghdad wali ibn-e-wali hai
سب اُن کی عنایت ہے خفی ہے کہ جلی ہے
ہر رسمِ کرم اُن کے گھرانے سے چلی ہے
Sab un ki inayat hai khafi hai ke jalli hai
Har rasm-e-karam un ke gharane se chali hai
جس دل پہ نظر اُن کی ہو وہ روشن و بینا
اُن کو جو پسند آئے وہی بات بھَلی ہے
Jis dil pe nazar un ki ho wo roshan o beena
Un ko jo pasand aaye wohi baat bhali hai
ہوں نقشِ قدم جس پہ نبیؐ اور علی کے
اُس در پہ کسی کی نہ چلے گی ، نہ چلی ہے
Hon naqsh-e-qadam jis pe Nabiؐ aur Ali ke
Us dar pe kisi ki na chale gi, na chali hai
اک سلسلہء نُور ہے ہر سانس کا رشتہ
ایمان مِرا حُبِّ نبیؐ ، مہرِ علی ہے
Ik silsila-e-noor hai har saans ka rishta
Imaan mera hub-e-Nabiؐ, mehr-e-Ali hai
اُس ذات سے شاہی کے قرینے کوئی سیکھے
وہ ذات کہ جو فقر کے سانچے میں ڈھلی ہے
Us zaat se shahi ke qareene koi seekhe
Wo zaat ke jo faq'r ke sanche mein dhuli hai
مجھ کو بھی محبّت ہے بہت، بادِ صبا سے
کیوں کر نہ ہو آخر ترے کُوچے سے چلی ہے
Mujh ko bhi mohabbat hai bohot, Bad-e-saba se
Kyun kar na ho aakhir tere koo'che se chali hai
مُشکل ہوئی آسان لیا نام جو اُن کا
یورش غم و آفت کی مِرے سَر سے ٹلی ہے
Mushkil hui aasaan liya naam jo un ka
Yurish gham o aafat ki mere sar se tli hai
محشر میں وہی غازہء انوار بنے گی
مٹّی تِرے کُوچے کی جو چہرے پہ مَلی ہے
Mahshar mein wohi ghazah-e-anwaar banegi
Matt'i tere koo'che ki jo chehre pe m'li hai
ہر گام پہ سجدے کی تمنّا ہے جبیں کو
یہ کس کا درِ ناز ہے؟ یہ کس کی گلی ہے ؟َ
Har gaam pe sajde ki tamanna hai jabeen ko
Ye kis ka dar-e-naaz hai? Ye kis ki gali hai?
جو نُور ہے بغداد کی گلیوں کا اُجالا
ہر ایک کرن اُس کی مدینے سے چلی ہے
Jo noor hai Baghdad ki galiyon ka ujaala
Har aik kiran us ki Madine se chali hai
مَیں اُن کا ہُوں تا حشر نصیؔر اُن کا رہوں گا
صد شکر کہ اُن سے مِری نسبت اَزَلی ہے
Main un ka hoon ta hashr Naseerؔ unka rahun ga
Sad shukar ke un se meri nisbat azli hai
Share This Naat
Share with friends and family
اللہ رے کیا بارگہِ غوثِؒ جلی ہے
سید نصیرالدیں نصیر