Manqabat
حق ادا و حق نُما بغداد کی سرکار ہے
حق ادا و حق نُما بغداد کی سرکار ہے
کیا تجھے بتلاؤں، کیا بغداد کی سرکار ہے
Haq ada o haq numa baghdad ki sarkar hai
Kya tujhe batlaoon, kya baghdad ki sarkar hai
مرجعِ اہلِ صفا بغداد کی سرکار ہے
سربراہِ اولیا بغداد کی سرکار ہے
Marja-e-ahl-e-safa baghdad ki sarkar hai
Sarbarah-e-awliya baghdad ki sarkar hai
اِتباعِ اُسوہء خیرالورٰی میں عمر بھر
پیکرِ خوفِ خدا بغداد کی سرکار ہے
Ittebaa-e-uswa-e- khayrulwaraa mein umar bhar
Paikar-e-khauf-e-Khuda baghdad ki sarkar hai
جس کی حق گوئی سے اہلِ شرک و بدعت کانپ اُٹھے
ترجماں توحید کا بغداد کی سرکار ہے
Jis ki haq goi se ahl-e-shirk o bidat kanp uthe
Tarjuman tauheed ka baghdad ki sarkar hai
میری تیری حمد میں حرص و غرض بھی ہے شریک
لائقِ حمدِ خدا بغداد کی سرکار ہے
Meri teri hamd mein hirs o garz bhi hai shareek
Laaeq-e-hamd-e-Khuda baghdad ki sarkar hai
قاضی الحاجات کے در پر رہا جو سجدہ ریز
عجز کی وہ انتہا بغداد کی سرکار ہے
Qazi ul haajaat ke dar par raha jo sajda rez
Ajz ki woh intehaa baghdad ki sarkar hai
شب کی تاریکی میں تنہا دست بستہ اشک بار
حاضرِ بابِ عطا بغداد کی سرکار ہے
Shab ki taareeki mein tanha dast basta ashk baar
Haazir-e-baab-e-ataa baghdad ki sarkar hai
دن کو مصروفِ عبادت شام کوسرگرمِ ذکر
شب کو محوِ التجا بغداد کی سرکار ہے
Din ko masroof-e-ibadat shaam ko sargarm-e-zikr
Shab ko mehve iltija baghdad ki sarkar hai
اولیا کے ساتھ اطلاقِ ولایت میں شریک
شان میں سب سے جدا بغداد کی سرکار ہے
Awliya ke sath itlaq-e-wilayat mein shareek
Shaan mein sab se juda baghdad ki sarkar hai
علم و حکمت میں علی مولیٰ کا سجّادہ نشیں
رازدارِ ھل اتیٰ بغداد کی سرکار ہے
Ilm o hikmat mein Ali Maula ka sajjada nasheen
Raazdaar-e-halaataa baghdad ki sarkar hai
کیا نبّوت کے جہانوں میں ہے ذاتِ مصطفیٰ
فقر کی دُنیا میں کیا بغداد کی سرکار ہے
Kya nabuwwat ke jahanon mein hai zaat-e-Mustafa
Faqr ki duniya mein kya baghdad ki sarkar hai
جہل کی بنجر زمیں کو جس نے جل تھل کردیا
علم کی ایسی گھٹا بغداد کی سرکار ہے
Jahl ki banjar zameen ko jis ne jal thal kar diya
Ilm ki aisi ghataa baghdad ki sarkar hai
قُدرتیں پائیں ، مگر قُدرت پہ اِترایا نہیں
شرحِ تسلیم و رضا بغداد کی سرکار ہے
Qudratain paaeen, magar qudrat pe itraaya nahi
Sharha-e-tasleem o raza baghdad ki sarkar hai
ہاتھ اُٹھتے تھے مگر مولیٰ کی مرضی دیکھ کر
واقفِ سرِّ دُعا بغداد کی سرکار ہے
Haath uthte the magar Maula ki marzi dekh kar
Waqqif-e-sirr-e-dua baghdad ki sarkar hai
دین کو کس نے کیا زندہ جب اُٹھّا یہ سَوال
کہہ اُٹھی خلقِ خدا بغداد کی سرکار ہے
Deen ko kis ne kiya zinda jab utha ye sawal
Keh uthi khalq-e-Khuda baghdad ki sarkar hai
ذاتِ باقی پر مٹا کر اپنی فانی ذات کو
دہر میں نقشِ بقا بغداد کی سرکار ہے
Zaat-e-baaqi par mita kar apni fani zaat ko
Dahr mein naqsh-e-baqaa baghdad ki sarkar hai
منبعِ حُبِّ نبی، سرچشمہء مہرِ علی
وارثِ آلِ عبا بغداد کی سرکارہے
Manba-e-hubb-e-Nabi, sarchashma-e-mehr-e-Ali
Waaris-e-aal-e-aba baghdad ki sarkar hai
انبیا کو ناز جس پر ، اولیا کو جس پہ فخر
صاحبِ بختِ رسا بغداد کی سرکار ہے
Ambia ko naaz jis par, awliya ko jis pe fakhar
Sahib-e-bakht-e-rasa baghdad ki sarkar hai
جس کے ہاتھوں پر ہوئیں ظاہر کرامات ِ کثیر
حیرتوں کی انتہا بغداد کی سرکار ہے
Jis ke haathon par huein zaahir karaamaat-e-kaseer
Hairaton ki intehaa baghdad ki sarkar hai
عقلِ ظاہر جس کی چوکھٹ پر رگڑتی ہے جبیں
ایسی قدرت آزما بغداد کی سرکار ہے
Aql-e-zaahir jis ki chaukhat par ragarti hai jabeen
Aisi qudrat aazmaa baghdad ki sarkar hai
عبدِ قادر ہے مگر قادر نے وہ بخشا مقام
مرکزِ رُشد و ہُدٰی بغداد کی سرکار ہے
Abd-e-Qadir hai magar Qadir ne woh baksha maqam
Markaz-e-rushd o hudaa baghdad ki sarkar hai
آج بھی پاتے ہیں اربابِ طلب در پردہ فیض
کیا عطا کا سلسلہ بغداد کی سرکار ہے
Aaj bhi paate hain arbab-e-talab dar parda faiz
Kya ataa ka silsila baghdad ki sarkar hai
جس کی صورت دیکھنے سے یا دآجائے خدا
ایسا عبدِ حق نُما بغداد کی سرکار ہے
Jis ki surat dekhne se yaad aajaye Khuda
Aisa abd-e-haq numa baghdad ki sarkar hai
اُونچے اُونچوں نے سر آنکھوں پر لیا جس کا قدم
وہ انوکھا پیشوا بغداد کی سرکار ہے
Oonche oonchon ne sar aankhon par liya jis ka qadam
Woh anokha peshwa baghdad ki sarkar hai
جو خدا کا نام لے کر شرک سے ٹکرا گئے
کربلا والے ہیں یا بغداد کی سرکار ہے
Jo Khuda ka naam le kar shirk se takraa gaye
Karbala waale hain ya baghdad ki sarkar hai
پیر تیرا کون ہےمحشر میں جب پوچھا گیا
مَیں نے برجستہ کہا بغداد کی سرکار ہے
Peer tera kaun hai Mahshar mein jab poocha gaya
Main ne barjasta kaha baghdad ki sarkar hai
تقشبندی سہروردی ہوں کہ چشتی سب کے سب
مقتدی ہیں ، مقتدٰی بغداد کی سرکار ہے
Qashbandi Suhrawardi hoon ya Chishti sab ke sab
Muqtadi hain, Muqtaada baghdad ki sarkar hai
وعظ فرماتا رہا منبر پہ جو چالیس سال
وہ خطیب ِحق نوا بغداد کی سرکار ہے
Waaz farmata raha minbar pe jo chalees saal
Woh khateeb-e-haq nawa baghdad ki sarkar hai
بر سرِ منبر تکلّم سن کے بول اُٹھتے عرب
ہیں علی یا لب کشا بغداد کی سرکار ہے
Bar sar-e-minbar takallum sun ke bol uthey arab
Hain Ali ya lab kasha baghdad ki sarkar hai
چاہنے والوں کے دل میں آنکھ میں ادراک میں
جلوہ فرما جا بجا بغداد کی سرکار ہے
Chaahne walo ke dil mein aankh mein idraak mein
Jalwah farma ja baja baghdad ki sarkar hai
دل نے پوچھا کون ہے ولیوں سے رُتبے میں بڑا
غیب سے آئی ندا بغداد کی سرکار ہے
Dil ne poocha kaun hai waliyoon se rutbe mein bara
Ghaib se aayi nida baghdad ki sarkar hai
کیا بگاڑے گی ترا سر مارلے دُنیا نصیؔر
پُشت پر تیری سدا بغداد کی سرکار ہے
Kya bigaare gi tera sar maar le duniya Naseer
Pusht par teri sada baghdad ki sarkar hai.
Share This Naat
Share with friends and family
حق ادا و حق نُما بغداد کی سرکار ہے
سید نصیرالدیں نصیر