کراں ہر دم دعاواں شاہ جیلاں
تیرے روضے تے آواں شاہ جیلاں
Karaan har dam duawaan Shah Jeelaan
Tere roze te awaaan Shah Jeelaan
میں منگتے دا بھریں نہ جے توں کاسہ
میں کہڑے در تے جاواں شاہ جیلاں
Me mangte da bharen na je tu kasa
Me kehre dar te jaawaan Shah Jeelaan
کدی آ جاویں جے خواباں چہ میرے
میں صدقے صدقے جاواں شاہ جیلاں
Kadi aa jaween je khawan ch mere
Me sadqe sadqe jaawaan Shah Jeelaan
ملی عزت تیری نسبت دا صدقہ
میں تیرے گیت گاواں شاہ جیلاں
Mali izzat teri nisbat da sadqa
Me tere geet gawan Shah Jeelaan
میرا تے ہے ایہو ای شوق ازلوں
تیری محفل سجاواں شاہ جیلاں
Mera te hai eho e shoq azloon
Teri mehfil sazaawan Shah Jeelaan
میں ہر دم کردا رہناں میراں میراں
تیرا چنگا اے ناواں شاہ جیلاں
Me har dam karda rehnan meeraan meeraan
Tera changa ae naawaan Shah Jeelaan
نیازی جاواں کیوں غیراں دے در تے
تیرے در دا گدا واں شاہ جیلاں
Niazi jaawaan kyu geeraan de dar te
Tere dar da gada waan Shah Jeelaan
Share This Naat
Share with friends and family
کراں ہر دم دعاواں شاہ جیلاں
عبدالستار نیازی