Manqabat
علی و فاطمہ کا حوصلہ امام حسن
علی و فاطمہ کا حوصلہ امام حسن
مجسم آئینہء مصطفےٰ امام حسن
Ali o Fatima ka hosla Imam Hasan
Mujassam aaina-e-Mustafa Imam Hasan
حسن کی مدحت و توصیف قلب و جان حُسین
حسینیّت کی ثنا در ثنا امام حسن
Hasan ki madah o tauseef qalb o jaan Hussain
Husaniyyat ki sana dar sana Imam Hasan
خدا کے نور سے معمور ہے جو شخصیت
اس آفتاب کی خاص اک ضیا امام حسن
Khuda ke noor se ma'moor hai jo shakhsiat
Is aftaab ki khaas aik ziya Imam Hasan
غم حسین کی کوئی دوا عطا کردو
تمہارا درد تو ہے لادوا امام حسن
Gham e Hussain ki koi dawa ata kardo
Tumhara dard to hai la dawa Imam Hasan
کمال صبر سے قاتل کو بخش دینا کیا
تمہارے گھر کے ہیں صبر و رضا امام حسن
Kamal e sabr se qatil ko baksh dena kya
Tumhare ghar ke hain sabr o raza Imam Hasan
خموشیوں سے لگا دیں جو پار بیڑے کو
رضا و صبر کے ہیں نا خدا امام حسن
Khamoshiyon se laga dein jo paar bere ko
Raza o sabr ke hain na khuda Imam Hasan
نوازتے ہیں حضور! اپنے خیر خواہوں کو
صبیحؔ بھی ہے غلام آپ کا امام حسن
Nawazte hain Huzoor! apne khair khahon ko
Sabih bhi hai ghulam aap ka Imam Hasan
Share This Naat
Share with friends and family
علی و فاطمہ کا حوصلہ امام حسن
سید صبیح الدین صبیح رحمانی