ہے کون رونقِ چمن ، حسنؓ بھی ہیں حسینؓ بھی
گلاب اور نسترن ، حسنؓ بھی ہیں حسینؓ بھی
Hai kaun ronq-e-chaman, Hasan (R.A) bhi hain Hussain (R.A) bhi
Gulaab aur nastaran, Hasan (R.A) bhi hain Hussain (R.A) bhi
سخاوتوں کی داستاں زباں زدِ عوام ہے
کرم کے بحرِ موجزن ، حسنؓ بھی ہیں حسینؓ بھی
Sakhaaton ki daastaan zubaan zad-e-aam hai
Karam ke bahr-e-mojzan, Hasan (R.A) bhi hain Hussain (R.A) bhi
ملی ہیں جن کو فخر کائنات کی شباہتیں
مرے نبیؐ کا بانکپن ، حسنؓ بھی ہیں حسینؓ بھی
Mili hain jin ko fakhr-e-kaainaat ki shabahatain
Mere Nabi (S.A.W) ka bankpan, Hasan (R.A) bhi hain Hussain (R.A) bhi
قرارِ قلبِ فاطمہؓ ، سکون قلبِ مرتضیؓ
نبیؐ کے باغ کی پھبن ، حسنؓ بھی ہیں حسینؓ بھی
Qarar-e-qalb-e-Fatima (R.A), sukoon-e-qalb-e-Murtaza (R.A)
Nabi (S.A.W) ke bagh ki phaban, Hasan (R.A) bhi hain Hussain (R.A) bhi
لگے ہیں ایک شاخ پر گلاب بے مثال دوؑ
مہک رہے ہیں گلبدن ، حسنؓ بھی ہیں حسینؓ بھی
Lage hain aik shaakh par gulaab be-misaal do
Mehak rahe hain gulbadan, Hasan (R.A) bhi hain Hussain (R.A) bhi
سوال ہو گا کس نے دین کی بچائی آبرو
کہیں گے سارے مرد و زن ، حسنؓ بھی ہیں حسینؓ بھی
Sawal ho ga kis ne deen ki bachai aabru
Kahenge saare mard o zan, Hasan (R.A) bhi hain Hussain (R.A) bhi
Share This Naat
Share with friends and family
ہے کون رونقِ چمن
اشفاق احمد غوری