اللہ اللہ ترا دربار رسولِ عَرَبی
تیرا دربار کرم بَار رسول عَرَبی
Allah Allah tura darbaR Rasool-e-Arabi
Tera darbaR karam baar Rasool-e-Arabi
بے کَسوں کے ہو مَددگار رسولِ عَرَبی
غمزدوں کے بھی ہو غمخوار رسولِ عَرَبی
be kasun ke ho madadgaar Rasool-e-Arabi
ghamzadon ke bhi ho ghamkhaar Rasool-e-Arabi
کُل خُدائی کے ہو مُختار رسولِ عَرَبی
تُم رسولوں کے بھی سَردار رَسُولِ عَرَبی
kul khudai ke ho mukhtar Rasool-e-Arabi
tum Rasoolon ke bhi sardar Rasool-e-Arabi
اِک نظر یاشہِ اَبرار رسولِ عَرَبی
بس تِرا ہی رہوں بیمار رسُولِ عَرَبی
Ik nazar Ya shahe abrar Rasool-e-Arabi
Bas tura hi rahun bimaar Rasool-e-Arabi
پھر دکھا دو مجھے اِک بار رسولِ عَرَبی
تم مدینے کا وہ گلزار رَسُولِ عَرَبی
phir dikha do mujhe ik baar Rasool-e-Arabi
tum madine ka woh gulzaar Rasool-e-Arabi
سامنے ہوں ترے مینار رسُولِ عَرَبی
گنبدِ سبز کے انوار رسُولِ عَرَبی
Saamne hoon ture meynaar Rasool-e-Arabi
Gunbad-e-sabz ke anwar Rasool-e-Arabi
تیرا صَحرا، ترا کُہسار رَسُولِ عَرَبی
اور ہو یہ ترا بدکار رَسُولِ عَرَبی
Tera sahra, tura kuhsaar Rasool-e-Arabi
aur ho yeh tura badkaar Rasool-e-Arabi
تیری دیوار کو چُوموں تِرا دروازہ بھی
دُھول بھی پھول بھی اور خَار رسُولِ عَرَبی
Teri deewaar ko choomoon tura darwaza bhi
Dhul bhi phool bhi aur khaar Rasool-e-Arabi
جُوں ہی روتاہواآؤں میں تِرے روضے پر
کاش! اُسی آن ہو دیدار رسُولِ عَرَبی
Joon hi rota hua aaon mein ture roza par
Kash! usi aan ho deedar Rasool-e-Arabi
کوئی خالی نہیں لوٹا کبھی دَر سے آقا
ہے سخی آپ کا دَربار رَسولِ عَرَبی
Koi khaali nahi loota kabhi dar se Aqa
Hai sakhi aap ka darbaR Rasool-e-Arabi
کوئی دولت،کوئی ثَروَت کوئی شُہرت چاہے
میں فقط تیرا طلب گار رَسُولِ عَرَبی
Koi daulat, koi sarwat koi shohrat chaahay
Mein faqat tura talibgaar Rasool-e-Arabi
آتَشِ عشق بھڑکتی ہی رہے سینے میں
بس تڑپتا رہوں سَرکار! رَسُولِ عَرَبی
Aatash-e-ishq bharakti hi rahe seene mein
Bas tadapta rahoon sarkaar! Rasool-e-Arabi
آپ کے ہجر کا غم کاش رُلائے مجھ کو
خون روتا رہوں سرکار! رَسُولِ عَرَبی
Aap ke hijr ka gham kash rulaye mujh ko
Khoon rota rahoon sarkaar! Rasool-e-Arabi
ہو ’’مدینہ ہی مدینہ‘‘مرے لَب پر اے کاش
ہر گھڑی ہو یِہی تکرار رَسُولِ عَرَبی
Ho "Madinah hi Madinah" mere lab par aye kash
Har ghari ho yehi takraar Rasool-e-Arabi
مُجھ کو دیوانہ بنا لو شہِ والا اپنا
میرے سرور مرے سردار رَسُولِ عَرَبی
mujh ko deewana bana lo shahe wala apna
Mere sarwar mere sardar Rasool-e-Arabi
تیرے دربارِ گُہَربار کے سَب سائل ہیں
اَغنِیا ہوں کہ ہوں نادار رَسُولِ عَرَبی
Tire darboor-e-gaharbaar ke sab saail hain
Aghniya hoon ka hoon nadar Rasool-e-Arabi
تیرے دیوانے تڑپتے ہیں مدینے کیلئے
وہ بھی دیکھیں تِرا دربار رَسُولِ عَرَبی
Tire deewane tarapte hain Madine ke liye
woh bhi dekhen tura darbaar Rasool-e-Arabi
دُور سُنّت سے مسلمان ہوئے جاتے ہیں
آہ! فیشن کی ہے یَلغار رَسُولِ عَرَبی
Door sunnat se musalman hue jaate hain
Aah! fashion ki yelghaar Rasool-e-Arabi
سُنّتوں کا ہو عَطا دَرد مسلمانوں کو
دُور فیشن کی ہو بھرمار رَسُولِ عَرَبی
Sunnatoun ka ho 'ta dard musalmanon ko
Door fashion ki ho bharmaar Rasool-e-Arabi
میرا سینہ تِری سُنّت کا مدینہ بن جائے
سُنّتوں کا کروں پَرچار رَسُولِ عَرَبی
Mera seena teri sunnat ka madinah ban jaaye
Sunnatoun ka karoon parchar Rasool-e-Arabi
جَامِ دیدار پِلا دو مِرے آقا! اب تو
آنکھ ہے کب سے طلبگار رَسُولِ عَرَبی
Jaam-e-deedar pila do mere aqa! ab to
Aankh hai kab se talibgaar Rasool-e-Arabi
مُشکلیں میری ہوں آسان برائے مُرشِد
میرے حامی،مرے غمخوار رَسُولِ عَرَبی
Mushkilein meri hoon aasan baraye murshad
Mere haami, mere ghamkhaar Rasool-e-Arabi
واسِطہ غوث و رضا کا سَرِ بالیں آجا
جَاں بَلَب ہے تِرا بیمار رَسُولِ عَرَبی
Wastah Ghous o Raza ka sar-e-baaleen aja
Jaan balab hai tura bimaar Rasool-e-Arabi
مُسکراتے ہوئے عُشّاق چلے دُنیا سے
قَبر میں ہوگا جو دِیدار رَسُولِ عَرَبی
Muskurate hue ushhaq chale duniya se
Qabar mein hoga jo deedar Rasool-e-Arabi
حُبِّ دُنیا میں گَرِفتار ہے نفسِ ظالِم
اَلمَدد یَاشہِ ابرار! رَسُولِ عَرَبی
Hub-e-duniya mein gariftar hai nafas-e-zaalim
Almadad Yashahe abrar! Rasool-e-Arabi
دِل پہ شیطان نے آقا ہے جمایا قبضہ
ہُوں گناہوں میں گَرِفتار رَسُولِ عَرَبی
Dil pe shaitan ne aqa hai jamaya qabzah
Hoon gunnahoun mein gariftar Rasool-e-Arabi
آہ! بڑھتا ہی چلا جاتا ہے مَرضِ عِصیاں
دو شِفا سَیِّدِ اَبرار رَسُولِ عَرَبی
Aah! barhta hi chala jaata hai marz-e-isyan
Do shifa Sayyed-e-abrar Rasool-e-Arabi
میں گنہگار، سیہ کار و خَطا کار سہی
پَر ہُوں کِس کا؟ تِرا سرکار رَسُولِ عَرَبی
Mein gunnahgaar, siyahkaar o khataakaar sahi
Par hoon kis ka? tura sarkaar Rasool-e-Arabi
میری ہر خصلتِ بَد دُور ہو جَانِ عَالَم!
نیک بن جاؤں میں سرکار، رَسُولِ عَرَبی
Meri har khaslat-e-bad dure ho Jaan-e-Alam!
Nek ban jaon mein sarkaar, Rasool-e-Arabi
گَرمیِ حَشر سے بے تَاب ہوں شاہِ کوثر
ہو نظر سُوئے گنہگار رَسُولِ عَرَبی
Garmi-e-Hashar se be taab hoon Shah-e-Kauthar
Ho nazar suey gunnahgaar Rasool-e-Arabi
اَب تو سَرکار! ہو عطارؔ پہ نظرِ رَحمت
کہہ دو اپنا سگِ دَربار رَسُولِ عَرَبی
Ab to sarkaar! ho Attar pe nazar-e-rahmat
Keh do apna sag-e-darbar Rasool-e-Arabi
Share This Naat
Share with friends and family
اللہ اللہ ترا دربار رسولِ عَرَبی
الیاس عطار قادری