حسیں ہیں بہت اس زمیں آسماں پر
محمد ہی رہتے ہیں میری زباں پر
Haseen hain bohat is zameen aasman par
Mohammad hi rehte hain meri zaban par
زبانِ محمد کا اعجاز دیکھو
سنایا نواسے نے قرآں سناں پر
Zaban-e-Mohammad ka eijaz dekho
Sunaya nawase ne Qur'an sanan par
محمد بناتے جو کھارے کو میٹھا
وہ شیریں ہی رہتا تھا پانی وہاں پر
Mohammad banate jo khare ko meetha
Woh sheereen hi rehta tha pani wahan par
پکارا ہے جب بھی انہیں میں نے رو کر
وہ خوابوں میں آتے ہیں میری فغاں پر
Pukara hai jab bhi unhein main ne ro kar
Woh khwabon mein aate hain meri fagan par
خدا نے سجائی ہے بزمِ محمد
درودوں کے نغمے ہیں سب کی زباں پر
Khuda ne sajai hai bazm-e-Mohammad
Daroodon ke naghme hain sab ki zaban par
لپٹ جاتے حسنین دامن سے اُن کے
وہ تشریف لاتے تھے جب آشیاں پر
Lipat jaate Hasnain daman se un ke
Woh tashreef late the jab aashiyan par
گلے سے لگاتے نبی فاطمہ کو
خدا شاد ہوتا بہت آسماں پر
Gale se lagate Nabi Fatima ko
Khuda shad hota bohat aasman par
ہے تصویرِ احمد زمانے میں قائم
یہاں پر وہاں پر، وہاں پر یہاں پر
Hai tasveer-e-Ahmed zamane mein qaim
Yahan par wahan par, wahan par yahan par
Share This Naat
Share with friends and family
حسیں ہیں بہت اس زمیں آسماں پر
سید حب دار قائم