ہے تم سے عالم پرضیا ماہِ عجم مہرِ عرب
دے دو میرے دل کو جلا ماہِ عجم مہرِ عرب
hai tum se aalam parziya maah-e-ajam mehr-e-arab
de do mere dil ko jala maah-e-ajam mehr-e-arab
دونوں جہاں میں آپ ہی کے نور کی ہے روشنی
دنیا و عقبیٰ میں شہا ماہِ عجم مہرِ عرب
dono jahan mein aap hi ke noor ki hai roshni
duniya o uqba mein shaha maah-e-ajam mehr-e-arab
کب ہوتے یہ شام و سحر کب ہوتے یہ شمس و قمر
جلوہ نہ ہوتا گر ترا ماہِ عجم مہرِ عرب
kab hote ye shaam o seher kab hote ye shams o qamar
jalwa na hota gar tera maah-e-ajam mehr-e-arab
شام و سحر کے قلب میں شمس و قمر کی آنکھ میں
جلوہ ہے جلوہ آپ کا ماہِ عجم مہرِ عرب
shaam o seher ke qalb mein shams o qamar ki aankh mein
jalwa hai jalwa aap ka maah-e-ajam mehr-e-arab
ہے رُوسیہ مجھ کو کیا آقا مرے اَعمال نے
کردو اُجالا منھ مرا ماہِ عجم مہرِ عرب
hai ruusiya mujh ko kya aaqa mere aamaal ne
kardo ujala munh mera maah-e-ajam mehr-e-arab
خورشیدِ تاباں بھیک کو آیا تری سرکار سے
ہے نور سے کاسہ بھرا ماہِ عجم مہرِ عرب
khursheed-e-taaban bheek ko aaya teri sarkar se
hai noor se kasa bhara maah-e-ajam mehr-e-arab
خورشید کے سر آ پ کے دَر کی گدائی سے رہا
سہرا شہا اَنوار کا ماہِ عجم مہرِ عرب
khursheed ke sar aap ke dar ki gadaai se raha
sehraa shaha anwaar ka maah-e-ajam mehr-e-arab
کاسہ لیسی سے ترے دَربار کی مہتاب بھی
کیسا منوّر ہوگیا ماہِ عجم مہرِ عرب
kasa leesi se tere darbaar ki mehtaab bhi
kaisa manawwar hogaya maah-e-ajam mehr-e-arab
ہیں یہ زمین و آسماں منگتا اسی سرکار کے
ہے ان کی آنکھوں کی ضیا ماہِ عجم مہرِ عرب
hain ye zameen o aasman mangta isi sarkar ke
hai un ki aankhon ki ziya maah-e-ajam mehr-e-arab
یوں بھیک لیتا ہے دو وَقتہ آسماں اَنوار کی
صبح و مسا ہے جبہ سا ماہِ عجم مہرِ عرب
yun bheek leta hai do waqta aasman anwaar ki
subah o masa hai jabah sa maah-e-ajam mehr-e-arab
اس جبہ سائی کے سبب شب کو اسی سرکار نے
انعام میں ٹیکا دیا ماہِ عجم مہرِ عرب
is jabah saai ke sabab shab ko isi sarkar ne
inaam mein teka diya maah-e-ajam mehr-e-arab
اور صبح کو سرکار سے اس کو مِلا نوری صلہ
عمدہ سا جھومر پُرضیا ماہِ عجم مہرِ عرب
aur subah ko sarkar se is ko mila noori sila
umdah sa jhoomar purziya maah-e-ajam mehr-e-arab
جب تم نہ تھے کچھ بھی نہ تھا جب تم ہوئے سب کچھ ہوا
ہے سب میں جلوہ آپ کا ماہِ عجم مہرِ عرب
jab tum na the kuch bhi na tha jab tum hue sab kuch hua
hai sab mein jalwa aap ka maah-e-ajam mehr-e-arab
اِک ظلمتِ عصیاں شہا اس پر اَندھیرا قبر کا
کردے ضیا بدرالدجیٰ ماہِ عجم مہرِ عرب
ik zulmat-e-isyaan shaha is par andhera qabar ka
karde ziya badruldija maah-e-ajam mehr-e-arab
بَرتوشوَد اَز نورِ رب بارانِ نوری روز و شب
ہو تا اَبد یہ سلسلہ ماہِ عجم مہرِ عرب
barto shavad az noor-e-rab baran-e-noori roz o shab
ho ta abada ye silsila maah-e-ajam mehr-e-arab
ہو مرشدوں پر نورِ جاں بارِش تمہارے نور کی
اور ان سے پائے یہ گدا ماہِ عجم مہرِ عرب
ho murshidon par noor-e-jaan barish tumhare noor ki
aur un se paaye ye gada maah-e-ajam mehr-e-arab
بے شک ہے عاصی کے لیے ناری صلہ لیکن شہا
نوریؔ کو دو نوری جزا ماہِ عجم مہرِ عرب
be shak hai aasi ke liye naari sila lekin shaha
noori ko do noori jaza maah-e-ajam mehr-e-arab
Share This Naat
Share with friends and family
ہے تم سے عالم پرضیا ماہِ عجم مہرِ عرب
مفتی مصطفٰی رضا خان