تصوّر میں رُخِ روشن کو لا کر ہم بھی دیکھیں گے
جمالِ مصطفٰےؐ سے دل سجا کر ہم بھی دیکھیں گے
Tasawwur mein rukh-e-roshan ko la kar hum bhi dekhenge
Jamaal-e-Mustafaؐ se dil saja kar hum bhi dekhenge
رسائی ہوگئی ہے صاحبِؐ معراج کے دَر تک
فرشتوں سے قدم آگے بڑھا کر ہم بھی دیکھیں گے
Rasaai ho gayi hai sahab-eؐ-mairaaj ke dar tak
Farishton se qadam aage badha kar hum bhi dekhenge
ہَوا و حِرص کے قصّے کہاں راہِ حقیقت میں
ہَوا و حِرص سے دامن بچا کر ہم بھی دیکھیں گے
Hawa o hirs ke qisse kahan raah-e-haqeeqat mein
Hawa o hirs se daaman bacha kar hum bhi dekhenge
لحد میں بھی ہمارا وِرد ، نامِ مصطفٰےؐ ہوگا
نکیرین آئیں ، کیا پوچھیں گے ؟ جا کر ، ہم بھی دیکھیں گے
Lahad mein bhi humara wird, naam-e-Mustafaؐ hoga
Nakeerein aayein, kya poochhenge? Ja kar, hum bhi dekhenge
ابھی تک سوزِ دل سے ہم نے اپنے دل کو سُلگایا
اب اپنا حالِ دل ہونٹوں پہ لا کر ہم بھی دیکھیں گے
Abhi tak soz-e-dil se hum ne apne dil ko sulgaya
Ab apna haal-e-dil honton pe la kar hum bhi dekhenge
بھیانک منظرِ محشر بتایا تُو نے اے واعظ!
سرِ کوثر مِلیں گے ، پی پلا کر ہم بھی دیکھیں گے
Bhayaanak manzar-e-mahshar bataya tu ne aye waiz!
Sirr-e-kosar milenge, pi pila kar hum bhi dekhenge
یہ وہ بستی ہے جس کا ہر قرینہ موسمِ گُل ہے
مدینے کی فضائیں مُسکرا کر ہم بھی دیکھیں گے
Yeh woh basti hai jis ka har qareena mausam-e-gul hai
Madinay ki fazaen muskara kar hum bhi dekhenge
ادب ہی بارگاہِ مصطفائیؐ میں سعادت ہے
نصیرؔ اپنی محبت آزما کر ہم بھی دیکھیں گے
Adab hi bargah-e-Mustafaiؐ mein saadat hai
Naseerؔ apni mohabbat aazma kar hum bhi dekhenge
Share This Naat
Share with friends and family
تصوّر میں رُخِ روشن کو لا کر ہم بھی دیکھیں گے
سید نصیرالدیں نصیر