اللہ ، اہلِ بیتِ پیمبرؐ کے ساتھ ہے
اسلام کا وقار اِسی گھر کے ساتھ ہے
Allah, ahl-e-bait-e-paembarؐ ke saath hai
Islam ka waqar isi ghar ke saath hai
جو شخص نُورِ دیدہء حیدر کے ساتھ ہے
روزِ جزا وہ شافعِؐ محشر کے ساتھ ہے
Jo shakhs noor-e-deeda e Haider ke saath hai
Roz-e-jaza woh shafiؐ e mahshar ke saath hai
پیاسے نہ ہم رہیں گے قیامت میں دیکھنا
اپنا بھی ربط ساقیءؐ کوثر کے ساتھ ہے
Pyaase na hum rahengay qayamat mein dekhna
Apna bhi rabt saqiؐ e kausar ke saath hai
رہتا ہے رات دن غمِ ذُرِّیّتِ رَسولؐ
سودا شروع سے یہ، مِرے سَر کے ساتھ ہے
Rehta hai raat din gham-e-zurriyat-e-Rasoolؐ
Sauda shuru se ye, mere sar ke saath hai
آلِ نبی ؐ کو ذاتِ نبی ؐ سے جُدا نہ جان
ہر موج کا وجود سمندر کے ساتھ ہے
Aal-e-Nabiؐ ko zaat-e-Nabiؐ se juda na jaan
Har mauj ka wajood samandar ke saath hai
وہ اک مکاں کہ جس کا مکیں بابِ علم تھا
اپنا تو رابطہ ہی اُسی گھر کے ساتھ ہے
Woh ek makan ke jis ka makeen baab-e-ilm tha
Apna to rabta hi usi ghar ke saath hai
آلِ نبیؐ کے درد سے مَیں بھی جُدا نہیں
میرا نصیب ، اُن کے مقدّر کے ساتھ ہے
Aal-e-Nabiؐ ke dard se main bhi juda nahi
Mera naseeb, un ke muqaddar ke saath hai
لاکھوں شقی اُدھر ہیں اِدھر اِک حُسین ہیں
کانٹوں کی نوک جھوک گُلِ تر کے ساتھ ہے
Lakhon shaqi udhar hain idhar ik Hussain hain
Kaanton ki nok jhook gul-e-tar ke saath hai
کس پر کھُلے گا معرکہ کربلا کا راز
یہ وہ معاملہ ہے ، جو داوَر کے ساتھ ہے
Kis par khule ga ma'araka Karbala ka raaz
Ye woh maamla hai, jo dawar ke saath hai
تنہا اُسی کے نام سے دُشمن تھا بد حواس
اب کیا کرے ، حُسین بہتّر کے ساتھ ہے
Tanha usi ke naam se dushman tha bad hwaas
Ab kya kare, Hussain bahtar ke saath hai
سچ مچ ہو دل میں غم تو بھر آتی ہے آنکھ بھی
اشکوں کا سلسلہ دلِ مضطر کے ساتھ ہے
Sach much ho dil mein gham to bhar aati hai aankh bhi
Ashkon ka silsila dil-e-muztar ke saath hai
اُس ذاتِ پاک کا ہُوں دل و جاں سے میں غلام
دعوٰی غلط نہیں ہے، مگر ڈر کے ساتھ ہے
Us zaat-e-paak ka hoon dil o jaan se main ghulam
Da'wa ghalat nahi hai, magar dar ke saath hai
دُشمن کی گُفتگو میں کہاں خیر کی جھلک
جو بات ہے شریر کی ، اِک شر کے ساتھ ہے
Dushman ki guftagu mein kahan khair ki jhalak
Jo baat hai shareer ki, ek shar ke saath hai
بھیجوں یزیدِیَت پہ نہ کیوں لعنت اے نصیؔر
یہ دُشمنی ہے، اور مِرے گھر کے ساتھ ہے
Bhejoon Yazidiyat pe na kyun lanat aye Naseer
Ye dushmani hai, aur mere ghar ke saath hai
Share This Naat
Share with friends and family
اللہ ، اہلِ بیتِ پیمبرؐ کے ساتھ ہے
سید نصیرالدیں نصیر