آباد دما دم آدم کی شہ رگ میں علی تن تن میں علی
لفظوں میں علی نبضوں میں علی سانسوں میں علی دھڑکن میں علی
Aabaad damadam aadam ki sheh rag mein Ali tan tan mein Ali
Lafzon mein Ali nabzon mein Ali saanson mein Ali dhadkan mein Ali
اشکوں میں علی، آہوں میں علی، پلکوں میں علی، اکھین میں علی
دریا میں علی، موجوں میں علی، بادل میں علی، ساون میں علی
Ashkon mein Ali, aahon mein Ali, palkon mein Ali, aakhein mein Ali
Darya mein Ali, maujon mein Ali, badal mein Ali, saawan mein Ali
سرمست پون رم جھم میں علی، بجلی میں علی، خرمن میں علی
جھرنوں کی جھپکتی آنکھوں میں، تاروں سے بھرے آنگن میں علی
Sarmast pawan rimjhim mein Ali, bijli mein Ali, kharman mein Ali
Jharnon ki jhapakti aankhon mein, taaron se bhare aangan mein Ali
شہروں کی چہکتی شورش میں، چپ چاپ دھڑکتے بن میں علی
احساس کی ہریالی میں علی، ایماں کے ہرے گلشن میں علی
Shehron ki chahakti shoreish mein, chup chaap dhadakte ban mein Ali
Ehsas ki haryali mein Ali, iman ke hare gulshan mein Ali
پاتال کی تہہ میں تخت نشیں، افلاک بکف بھگون میں علی
یٰسین کی نون گواہی دے، طہٰ کے سجل درشن میں علی
Pataal ki teh mein takht nasheen, aflak bakaf bhagwan mein Ali
Yasin ki noon gawahi de, Taaha ke sajal darshan mein Ali
واللیل کی قدر کا صدر سمجھ، والعصر کے کل کندن میں علی
کوثر کے حسن کا سرچشمہ، طوبیٰ کے جل جوبن میں علی
Wal-lail ki qadr ka sadr samajh, wal-asr ke kal kundan mein Ali
Kausar ke husn ka sarchashma, tooba ke jal joban mein Ali
قرطاس و قلم کا رکھوالا، تقدیر کے ہر بندھن میں علی
لوحِ محفوظ میں وجہ اللہ، توحید نما درپن میں علی
Qirtaas o qalam ka rakhwala, taqdeer ke har bandhan mein Ali
Lauh-e-mahfooz mein wajah Allah, tauheed numa darpan mein Ali
افلاک تلک مسند آرا بے مسکن کے مسکن میں علی
کعبے میں علی قبلے میں علی مولد میں علی مدفن میں علی
Aflak talak masnad aara be maskan ke maskan mein Ali
Kaabe mein Ali qible mein Ali maulad mein Ali madfan mein Ali
معصوم گواہی عیسیٰ کی موسیٰ کے سخنور فن میں علی
یوسف یعقوب کا درد نگر ایوب کے شبھ شیون میں علی
Masoom gawahi Isa ki Musa ke sakhanwar fan mein Ali
Yusuf Yaqub ka dard nagar Ayyub ke shubh shivan mein Ali
اسرارِ شب اسریٰ کی قسم آیات کے اجلے پن میں علی
نوروز کی ضو میں جلوہ نما اور چودھویں رات کے چن میں علی
Asrar-e-shab Asra ki qasam ayaat ke ujle pan mein Ali
Nauroze ki zo mein jalwanuma aur chodhween raat ke chand mein Ali
فولاد صفت کام آیا ہے اسلام کی ہر الجھن میں علی
خیبر میں علی خندق میں علی اور بدر و احد کے رن میں علی
Folaad sifat kaam aaya hai Islam ki har uljhan mein Ali
Khyber mein Ali khandaq mein Ali aur Badr o Uhud ke ran mein Ali
معراج کی رات کی بات کرو، ہر بات کی ہر الجھن میں علی
قابِ قوسین کے نرم حسیں ریشم سے بنی چلمن میں علی
Me'raaj ki raat ki baat karo, har baat ki har uljhan mein Ali
Qab-e-qosain ke narm haseen resham se bani chilman mein Ali
ہر مولائی کا ان داتا، ہر خاک نشیں کے من میں علی
پورب میں علی، پچھمّ میں علی، اتر میں علی دکھن میں علی
Har moulai ka ann daata, har khaak nasheen ke man mein Ali
Porab mein Ali, pichcham mein Ali, utar mein Ali dukhan mein Ali
قرآن اٹھا کر کہتا ہوں، بسم اللہ کے دامن میں علی
حیدر سے عداوت مت رکھنا، ہر گام پہ ٹھوکر کھاؤ گے
Quraan utha kar kehta hoon, Bismillah ke daaman mein Ali
Haider se adawat mat rakhna, har gaam pe thokar khao ge
Pachtawo ge, ghabrawo ge, bardosh-e-hawa jal jao ge
پچھتاؤگے، گھبراؤگے، بردوشِ ہوا جل جاؤگے
Share This Naat
Share with friends and family
آباد دما دم آدم کی شہ رگ میں علی تن تن میں علی
محسن نقوی