ایک ذرّے کو بھی خورشید بناتے دیکھا
اُن کو ہر حال میں تقدیر جگاتے دیکھا
Ek zarr ko bhi khursheed banate dekha
Un ko har haal mein taqdeer jagate dekha
واقعی اب بھی دلوں پر ہے حکومت اُن کی
سرکشوں کو سرِ تسلیم جُھکاتے دیکھا
Waqai ab bhi dilon par hai hukoomat un ki
Sarkashon ko sar-e-tasleem jhukate dekha
آنکھیں پڑھتی ہیں اگر دیکھ کے روضے کو دُرود
آنسؤوں کو بھی وہاں نعت سُناتے دیکھا
Aankhein padhti hain agar dekh ke roza ko durrd
Aansuon ko bhi wahan naat sunate dekha
درودیوار ہیں روشن کہیں آنسو روشن
جشن مِیلاد ہر اک شے کو مَناتے دیکھا
Dar o deewar hain roshan kahin aansu roshan
Jashn e meelaad har ek shai ko manate dekha
آپ کی قوّت ِ بازو پہ تصدّق دل و جاں
بار اْمّت کے گناہوں کا اُٹھاتے دیکھا
Aap ki quwat e bazu pe tasaddaq dil o jaan
Baar-e-ummat ke gunaahon ka uthate dekha
آپؐ کے آنے کا ایقان اِسے کہتے ہیں
ہم نے عشّاق کو گھر بار سَجاتے دیکھا
Aap ke aane ka aiqaan ise kehte hain
Hum ne ashaq ko ghar baar sajate dekha
دل کہاں اَور کہاں آپ کے جلوے آقاؐ
ہم نے کوزے میں بھی دریا کو سَماتے دیکھا
Dil kahan aur kahan aap ke jalwe aaqa
Hum ne koze mein bhi darya ko samate dekha
جن کو دنیا میں کوئی پوچھنے والا ہی نہ تھا
اُن کو بھی دامنِ رحمت میں چھُپاتے دیکھا
Jin ko duniya mein koi poochhne wala hi na tha
Un ko bhi daman-e-rehmat mein chhupate dekha
اُس نے محسوس کیا عشق کِسے کہتے ہیں
جس نے خالدؔ کو کبھی نعت سناتے دیکھا
Us ne mehsoos kiya ishq kise kehte hain
Jis ne Khalid ko kabhi naat sunate dekha
Share This Naat
Share with friends and family
ایک ذرّے کو بھی خورشید بناتے دیکھا
خالد محمود خالد