ذوقِ نعتِ شہِ ابرار نے سونے نہ دیا
شب مجھے قسمتِ بیدار نے سونے نہ دیا
Zauq-e-naat-e-shah-e-abrar ne sone na diya
Shab mujhe qismat-e-bedaar ne sone na diya
ان کے رخسار کے تذکار نے سونے نہ دیا
رات بھر کثرتِ انوار نے سونے نہ دیا
Un ke rukhsar ke tazkar ne sone na diya
Raat bhar kasrat-e-anwar ne sone na diya
سوئے عشاقِ نبی قبر میں تمثالِ عروس
کون کہتا ہے کہ سرکار نے سونے نہ دیا ؟
So-e-ashaak-e-nabi qabr mein timsal-e-uroos
Kon kehta hai ke sarkar ne sone na diya?
رات بھر قلب رہا محوِ ثنائے سرکار
ان کی زلفوں کے گرفتار نے سونے نہ دیا
Raat bhar qalb raha mehve sana-e-sarkar
Un ki zulfon ke giriftar ne sone na diya
میرا گل اشک بہاتا رہا شبنم کی طرح
تھا جو امت سے ، اسی پیار نے سونے نہ دیا
Mera gul ashk bahata raha shabnam ki tarah
Tha jo ummat se, usi pyar ne sone na diya
بے سبب تو نہیں شب بھر یہ ستارے گننا
چاند کو یادِ رخِ یار نے سونے نہ دیا
Be sabab to nahi shab bhar ye sitare ginna
Chaand ko yaad-e-rukh-e-yaar ne sone na diya
جاگے خاصانِ خدا بہرِ تہجد ،کہ انہیں
لذتِ گریۂِ اَسحار نے سونے نہ دیا
Jaage khaasan-e-khuda behr-e-tahajjud, ke unhein
Lazzat-e-girya-e-ashaar ne sone na diya
باتیں کرتا رہا تاروں سے تِرا ذرۂِ نعل
شادیِٔ بوسۂِ پیزار نے سونے نہ دیا
Batein karta raha taron se tera zarra-e-naal
Shadi-e-bosa-e-pezaar ne sone na diya
منکرِ شانِ ابو بکر و عمر ! اتنا سوچ !
’’غیر کو پاس کبھی یار نے سونے نہ دیا‘‘
Munkir-e-shan-e-Abu Bakr o Umar! Itna soch!
"Ghair ko paas kabhi yaar ne sone na diya"
یادِ گیسوئے نبی سر پہ رہی سایہ فگن
رات بھر مجھ کو شبِ تار نے سونے نہ دیا
Yaad-e-gesoo-e-nabi sar pe rahi saya fagan
Raat bhar mujhe shab-e-tar ne sone na diya
شوقِ دیدار پہ لکھے جو معظمؔ ! ہم نے
انہیں اشعار کی تکرار نے سونے نہ دیا
Shoq-e-deedar pe likhe jo Moazzam! Hum ne
Inhein ashaar ki takraar ne sone na diya
Share This Naat
Share with friends and family
ذوقِ نعتِ شہِ ابرار نے سونے نہ دیا
معظم سدا معظم مدنی