ہو رہا ہے انعقادِ بزمِ مدحت شاذ شاذ
اب نظر آتے ہیں عشاقِ رسالت شاذ شاذ
Ho raha hai in'aqaad-e-bazm-e-mad'hat shaaz shaaz
Ab nazar aate hain ushaaq-e-risalat shaaz shaaz
جشنِ میلاد النبیؐ کا منظرِ پر کیف اب
پیش کرتے ہیں غلامانِ نبوت شاذ شاذ
Jashn-e-meelad-un-nabi (SAW) ka manzar-e-pur kaif ab
Pesh karte hain ghulaman-e-nabuwwat shaaz shaaz
ہر طرف اک غلغلہ ہو نعرۂ تکبیر کا
ایسا آتا ہے نظر جوشِ عقیدت شاذ شاذ
Har taraf ik ghalghala ho nara-e-takbeer ka
Aisa aata hai nazar josh-e-aqeeda shaaz shaaz
کیوں نہ رقصاں آج ہو صبحِ مدینہ کی نسیم
سر خوشی کی آتی ہے یہ نیک ساعت شاذ شاذ
Kyun na raqsaan aaj ho sub'h-e-madina ki naseem
Sar khushi ki aati hai yeh naik sa'at shaaz shaaz
جشنِ میلاد النبیؐ کی بات ہی کچھ اور ہے
یوں تو آتے ہیں کئی یومِ مسرت شاذ شاذ
Jashn-e-meelad-un-nabi (SAW) ki baat hi kuch aur hai
Yun to aate hain kayi youm-e-masarrat shaaz shaaz
خواب میں تشریف لا کر دید کا بخشیں شرف
ایسی خوش بختوں کو ملتی ہے سعادت شاذ شاذ
Khawab mein tashreef la kar deed ka bakhshain sharaf
Aisi khush bakhton ko milti hai sa'adat shaaz shaaz
ختم ہوتی جا رہی ہے حُبِ سرور کی فضا
اب برستے ہیں فلک سے ابرِ رحمت شاذ شاذ
Khatm hoti ja rahi hai hubb-e-sarwar ki faza
Ab baraste hain falak se abr-e-rehmat shaaz shaaz
دور جب سے ہو رہے ہیں سنتِ آقاؐ سے ہم
گھر میں آتی ہے ہمارے خیر و برکت شاذ شاذ
Door jab se ho rahe hain sunnat-e-aqa (SAW) se hum
Ghar mein aati hai hamare khair o barakat shaaz shaaz
شاہِ دیں در پر بلائیں وہ بھی احسؔن بار بار
ایسی قسمت پاتے ہیں اہلِ عقیدت شاذ شاذ
Shah-e-deen dar par bulayein woh bhi Ahsan baar baar
Aisi qismat paate hain ahl-e-aqeeda shaaz shaaz
Share This Naat
Share with friends and family
ہو رہا ہے انعقادِ بزمِ مدحت شاذ شاذ
احسن اعظمی