نظر اِک چمن سے دو چار ہے نہ چمن چمن بھی نثار ہے
عجب اُس کے گل کی بہار ہے کہ بہار بلبلِ زار ہے
Nazar ik chaman se do chaar hai, na chaman chaman bhi nisaar hai
Ajab us ke gul ki bahaar hai, ke bahaar bulbul-e-zaar hai
نہ دلِ بشر ہی فِگار ہے کہ مَلک بھی اس کا شکار ہے
یہ جہاں کہ ہَژدَہ ہزار ہے جسے دیکھو اس کا ہزار ہے
Na dil-e-bashar hi figaar hai, ke malak bhi us ka shikaar hai
Yeh jahan ke hazhdah hazaar hai, jise dekho us ka hazaar hai
نہیں سر کہ سجدہ کُناں نہ ہو نہ زباں کہ زَمزَمَہ خواں نہ ہو
نہ وہ دل کہ اس پہ تَپاں نہ ہو نہ وہ سینہ جس کو قرار ہے
Nahin sar ke sajda kunaan na ho, na zabaan ke zamzama khwaan na ho
Na woh dil ke us pe tapaan na ho, na woh seena jis ko qaraar hai
وہ ہے بھینی بھینی وہاں مہک کہ بسا ہے عرش سے فرش تک
وہ ہے پیاری پیاری وہاں چمک کہ وہاں کی شب بھی نَہار ہے
Woh hai bheeni bheeni wahan mehak, ke basa hai arsh se farsh tak
Woh hai pyari pyari wahan chamak, ke wahan ki shab bhi nahaar hai
کوئی اور پھول کہاں کھلے نہ جگہ ہے جوشِشِ حسن سے
نہ بہار اور پہ رُخ کرے کہ جھپک پلک کی تو خار ہے
Koi aur phool kahaan khile, na jagah hai joshish-e-husn se
Na bahaar aur pe rukh kare, ke jhapak palk ki to khaar hai
یہ سَمَن یہ سوسَن و یاسمن یہ بنفْشَہ سُنبُل و نَسْتَرَن
گل و سَرْوْ و لالہ بھرا چمن وہی ایک جلوہ ہزار ہے
Yeh saman, yeh sosan o yaasaman, yeh banafsha, sunbul o nastaran
Gul o sarw o laalah bhara chaman, wohi ek jalwa hazaar hai
یہ صبا سنک وہ کلی چٹک یہ زباں چہک لبِ جُو چھلک
یہ مہک جھلک یہ چمک دمک سب اسی کے دم کی بہار ہے
Yeh saba sunehri, woh kali chatak, yeh zabaan chehak, lab-e-jo chhalak
Yeh mehak jhalak, yeh chamak damak, sab usi ke dam ki bahaar hai
وہی جلوہ شہر بَشہر ہے وہی اصلِ عالَم و دَہر ہے
وہی بحر ہے وہی لہر ہے وہی پاٹ ہے وہی دھار ہے
Wohi jalwa sheher ba sheher hai, wohi asl-e-aalam o dahr hai
Wohi bahr hai, wohi lehr hai, wohi paat hai, wohi dhaar hai
وہ نہ تھا تو باغ میں کچھ نہ تھا وہ نہ ہو تو باغ ہو سب فنا
وہ ہے جان، جان سے ہے بقا وہی بن ہے بن سے ہی بار ہے
Woh na tha to baagh mein kuch na tha, woh na ho to baagh ho sab fana
Woh hai jaan, jaan se hai baqaa, wohi ban hai, ban se hi baar hai
یہ ادب کہ بلبلِ بے نوا کبھی کھل کے کر نہ سکے نوا
نہ صبا کو تیز رَوِش روا نہ چھلکتی نہروں کی دھار ہے
Yeh adab ke bulbul-e-benawa, kabhi khul ke kar na sake nawa
Na saba ko teiz rawish rawaa, na chhalakti nehron ki dhaar hai
بہ ادب جھکالو سرِوِلا کہ میں نام لوں گل و باغ کا
گلِ تر محمدِ مصطفٰی چمن اُن کا پاک دِیار ہے
Be-adab jhuka lo sar-e-wila, ke main naam loon gul o baagh ka
Gul-e-tar Muhammad-e-Mustafa, chaman un ka paak diyar hai
وہی آنکھ اُن کا جو مُنہ تکے وہی لب کہ محوہوں نعت کے
وہی سرجو اُن کے لئے جھکے وہی دل جو اُن پہ نثار ہے
Wohi aankh un ka jo munh take, wohi lab ke mahw hoon na’at ke
Wohi sar jo un ke liye jhuke, wohi dil jo un pe nisaar hai
یہ کسی کا حسن ہے جلوہ گر کہ تَپاں ہیں خوبوں کے دل جگر
نہیں چاک جَیبِ گل و سحر کہ قَمر بھی سینہ فَگار ہے
Yeh kisi ka husn hai jalwa-gar, ke tapaan hain khoobon ke dil jigar
Nahin chaak jaib-e-gul o sehar, ke qamar bhi seena figaar hai
وہی نذرِ شہ میں زرِ نکو جو ہو اُن کے عشق میں زَردْ رُو
گلِ خلد اس سے ہو رنگ جو یہ خزاں وہ تازہ بہار ہے
Wohi nazr-e-shah mein zar-e-niku, jo ho un ke ishq mein zard roo
Gul-e-khuld us se ho rang jo, yeh khizaan woh taazah bahaar hai
جسے تیری صفِّ نِعال سے ملے دو نوالے نَوال سے
وہ بنا کہ اس کے اُگال سے بھری سلطنت کا اُدھار ہے
Jise teri saf-e-ni’aal se, mile do nawale nawaal se
Woh bana ke us ke ugaal se, bhari saltanat ka udhaar hai
وہ اٹھیں چمک کے تجلِّیّاں کہ مٹا دیں سب کی تعلِّیّاں
دل و جاں کو بخشِیں تَسلّیاں ترا نور بارِ د و حار ہے
Woh uthhein chamak ke tajalliyan, ke mita dein sab ki ta’alliyan
Dil o jaan ko bakhshain tasalliyan, tera noor baar-e-du haar hai
رُسُل و مَلک پہ درود ہو وہی جانے اُن کے شمار کو
مگر ایک ایسا دکھا تو دو جو شفیعِ روزِ شُمار ہے
Rusul o malak pe durood ho, wohi jaane un ke shumaar ko
Magar ek aisa dikha to do, jo shafi’-e-roz-e-shumaar hai
نہ حجاب چَرخ و مَسِیح پر نہ کلیم و طُور نِہاں مگر
جو گیا ہے عرش سے بھی اُدھر وہ عرب کا ناقَہ سوار ہے
Na hijaab charkh o Maseeh par, na Kaleem o Toor nihaan magar
Jo gaya hai arsh se bhi udhar, woh Arab ka naaqa-sawaar hai
وہ تری تجلّیِ دل نشیں کہ جھلک رہے ہیں فلک زمیں
ترے صدقے میرے مَہِ مبیں مری رات کیوں ابھی تار ہے
Woh teri tajalli-e-dil nasheen, ke jhalak rahe hain falak zameen
Tere sadqe mere mah-e-mubeen, meri raat kyun abhi taar hai
مِری ظلمتیں ہیں سِتم مگر ترا مَہ نہ مِہر کہ مِہرگَر
اگر ایک چھینٹ پڑے ادھر شبِ داج ابھی تو نَہار ہے
Meri zulmatain hain sitam magar, tera mah na mehr ke mehr-gar
Agar ek chheent padey idhar, shab-e-daaj abhi to nahaar hai
گنہِ رضاؔ کا حساب کیا وہ اگرچہ لاکھوں سے ہیں سِوا
مگر اے عَفُوّ ترے عَفْو کا نہ حساب ہے نہ شمار ہے
Gunah-e-Raza ka hisaab kya, woh agarche laakhon se hain siwa
Magar ai 'Affu tere 'Afw ka, na hisaab hai na shumaar hai
تِرے دینِ پاک کی وہ ضیا کہ چمک اٹھی رہِ اِصطَفا
جو نہ مانے آپ سقر گیا کہیں نور ہے کہیں نار ہے
Tere deen-e-paak ki woh ziya, ke chamak uthi rah-e-Istafa
Jo na maane aap saqar gaya, kahin noor hai kahin naar hai
کوئی جان بس کے مہک رہی کسی دل میں اس سے کھٹک رہی
نہیں اس کے جلوے میں یک رہی کہیں پھول ہے کہیں خار ہے
Koi jaan bas ke mehak rahi, kisi dil mein us se khatak rahi
Nahin us ke jalwe mein yak rahi, kahin phool hai kahin khaar hai
وہ جسے وہابیہ نے دیا ہے لقب شہید و ذبیح کا
وہ شہیدِ لیلیِ نَجد تھا وہ ذَبیحِ تیغِ خِیار ہے
Woh jise Wahabiya ne diya, hai laqab shaheed o zabeeh ka
Woh shaheed-e-Laili-e-Najd tha, woh zabeeh-e-tegh-e-khiyaar hai
یہ ہے دیں کی تَقْوِیَت اُس کے گھر یہ ہے مستقیم صراطِ شر
جو شقی کے دل میں ہے گاؤ خر تو زباں پہ چوڑھا چمار ہے
Yeh hai deen ki taqviyat us ke ghar, yeh hai mustaqeem sirat-e-shar
Jo shaqi ke dil mein hai gaao khar, to zabaan pe chhoṛha chmaar hai
وہ حبیب پیارا تو عمر بھر کرے فیض و جُود ہی سر بسر
ارے تجھ کو کھائے تپِ سقر ترے دل میں کس سے بخار ہے
Woh Habib pyara to umr bhar, kare faiz o jood hi sar ba sar
Are tujh ko khaaye tap-e-saqr, tere dil mein kis se bukhaar hai
وہ رضاؔ کے نیزہ کی مار ہے کہ عَدُوّ کے سینہ میں غار ہے
کسے چارہ جوئی کا وار ہے کہ یہ وار وار سے پار ہے
Woh Raza ke neyzah ki maar hai, ke adu ke seena mein ghaar hai
Kise chaara-ju'i ka waar hai, ke yeh waar waar se paar hai
Share This Naat
Share with friends and family
نظر اِک چمن سے دو چار ہے نہ چمن چمن بھی نثار ہے
احمد رضا خان بریلوی