آتی ہے ہر اذاں سے صدا تیرے خُون کی
تاریخ ، کر رہی ہے ثنا تیرے خُون کی
Aati hai har azan se sada tere khoon ki
Tareekh, kar rahi hai sana tere khoon ki
سچّائی کی جڑوں میں تِری اِستقامتیں
دیں کی ہتھیلیوں پہ حِنا تیرے خُون کی
Sacchai ki jaroon mein teri isteqametain
Deen ki hathailiyon pe hina tere khoon ki
اِنسانیّت کی رُوح میں تیری شباہتیں
تہذیب کے بدن پہ قبا تیرے خُون کی
Insaniyat ki rooh mein teri shabahatain
Tehzeeb ke badan pe qaba tere khoon ki
جمہُوریت کی نہر تِری پیاس کا کمال
مظلومیت کی جیت عطا تیرے خُون کی
Jamhuriyat ki nehr teri pyaas ka kamal
Mazlomiyat ki jeet ata tere khoon ki
چسپاں ، تِرا کٹا ہُوا سر ہر وجُود پر
ہر ذہن میں ہو نشو ونما تیرے خُون کی
Chaspaan, tera kata hua sar har wajood par
Har zehan mein ho nash o numa tere khoon ki
اُڑتی ہے بُوئے صبر و رضا تیری خاک سے
بانٹے یقیں کے پھُول ہوا تیرے خُون کی
Urti hai booye sabr o raza teri khaak se
Bante yakeen ke phool hawa tere khoon ki
بیداریِ ضمیرِ دو عالم کے واسطے
سُورج بھی مانگتا ہے ضیا تیرے خون کی
Baidari-e-zameer-e-do aalam ke wastay
Suraj bhi mangta hai zia tere khoon ki
پیشانیِ اُفق پہ مظفّر کے سامنے
یہ دھاریاں سی ہیں بخدا تیرے خُون کی
Peshani-e-ufaq pe Muzaffar ke samnay
Yeh dhariyan si hain bikhuda tere khoon ki
Share This Naat
Share with friends and family
آتی ہے ہر اذاں سے صدا تیرے خُون کی
مظفر وارثی