Manqabat
طرزِ اُلفت میں محبت میں وفاداری میں
طرزِ اُلفت میں محبت میں وفاداری میں
کچھ سلیقہ بھی تو اپناؤ عزاداری میں
Tarz-e-ulfat mein mohabbat mein wafadari mein
Kuch saleeqa bhi to apnao azadari mein
صرف جو شانِ امامت کے لیے زیبا ہوں
وہ زباں اور وہ تخیل بھی ہو حبداری میں
Sirf jo shan-e-imamat ke liye zebaa hoon
Wo zuban aur wo takhayyul bhi ho hubdari mein
گردنیں کیوں نظر آتی نہیں ہیں شانوں پر
کیا کمی دیکھی کہیں تم نے طرفداری میں
Gardanen kyun nazar aati nahin hain shano par
Kya kami dekhi kahin tum ne tarafdari mein
کون کہتا ہے کہ کر بل میں قیامت آئی
پھول کھلتے ہیں امامت کی تو پھلواری میں
Kon kehta hai ke kar bal mein qayamat aai
Phool khilte hain imamat ki to phulwari mein
جس کو آتا ہے نظر کفر کا اُونچا پرچم
وہ نظر لوٹ کے آئے گی گنہ گاری میں
Jis ko aata hai nazar kufr ka ooncha parcham
Wo nazar laut ke aayegi gunahgari mein
سالِ نو زخمی نظر ہم کو مجیدؔ آتا ہے
بیت جاتا ہے سدا آپؑ کی غم خواری میں
Saal-e-no zakhmi nazar hum ko Majeed aata hai
Beet jata hai sada aap ki gham khuwari mein
Share This Naat
Share with friends and family
طرزِ اُلفت میں محبت میں وفاداری میں
عبد المجید چٹھہ