مسجد نور جاں میں پہنچا دے
اے خدا لامکاں میں پہنچا دے
masjid noor-e-jaan mein pohancha de
ae khuda la-makaan mein pohancha de
عالم امر کا مسافر ہوں
مجھ کو اس کارواں میں پہنچا دے
aalam-e-amr ka musafir hoon
mujh ko is kaarwan mein pohancha de
قریب تیرا یقین بن جائے
اس مقام گماں میں پہنچا دے
qareeb tera yaqeen ban jaye
is maqam-e-gumaan mein pohancha de
اللہ اللہ ورد ہے میرا
خاک کو کہکشاں میں پہنچا دے
Allah Allah wird hai mera
khaak ko kahkashaan mein pohancha de
ہر نفس پر تری طرف دوڑوں
بے مکاں کو مکاں میں پہنچا دے
har nafas par teri taraf do!roon
be-makaan ko makaan mein pohancha de
نو کے نو عرش پار کر جاؤں
حلقہء عا شقاں میں پہنچا دے
noun ke noun arsh paar kar jaoon
halqah-e-ashiqaan mein pohancha de
کر دے اپنی محبتوں میں فنا
حجرہ ء جاوداں میں پہنچا دے
kar de apni muhabbatoun mein fana
hujrah-e-jawedaan mein pohancha de
کھینچ کر میرے گرد اپنی لکیر
سدرہ بیکراں میں پہنچا دے
kheen!ch kar mere gird apni lakeer
sidra bekaran mein pohancha de
دیکھ لوں میں بھی کعبہء بالا
ملکوتی اذاں میں پہنچا دے
dekh loon mein bhi kaaba-e-bala
malkooti azaan mein pohancha de
میرے معبود اے مرے معبود
عبدیت کی اماں میں پہنچا دے
mere maabood ae mere maabood
abdiyat ki amaan mein pohancha de
Share This Naat
Share with friends and family
مسجد نور جاں میں پہنچا دے
مظفر وارثی