جل رہا ہے مُحمّد ؐ کی دہلیز پر ، دِل کو طاقِ حرم کی ضرورت نہیں
میرے آقا کے مُجھ پر ہیں اِتنے کرم اب کسی کے کرم کی ضرورت نہیں
Jal raha hai Muhamad (ﷺ) ki Dehleez par, Dil ko Taaq-e-Haram ki zaroorat nahi
Mere Aaqa ke mujh par hain itne karam ab kisi ke karam ki zaroorat nahi
ہر طلوعِ سحر جن کے سائے تلے ‘ جن کی آہٹ سے نبضِ دو عالَم چلے
اُن کے قدموں سے لگ کر ہُوں بیٹھا ہُوا مُجھ کو جاہ و حشم کی ضرورت نہیں
Har tulu-e-sehar jin ke saaye tale, jin ki aahat se nabz-e-do aalam chale
Un ke qadamoun se lag kar hun baitha hua mujh ko jaah o_hasham ki zaroorat nahi
حُسنِ خلّاقِ کون و مکاں دیکھ لوں ‘ جو نہ دیکھا کبھی وہ سماں دیکھ لُوں
مُجھ کو آئینہء مصطفےٰ چاہیے پتّھروں کے صنم کی ضرورت نہیں
Husn-e-khalaq-e-kown o makaan dekh lun, jo na dekha kabhi woh samaan dekh lun
Mujh ko aaina-e-Mustafa chahiye patthron ke sanam ki zaroorat nahi
دُور سے آنے والی اُس آواز پر ‘ مر مٹوں جس میں ہو عشقِ خیر البشرؐ
سُوئے خیر البشر جو نہ لے کر چلے ‘ اُس نشانِ قدم کی ضرورت نہیں
Door se aane wali us aawaaz par, mar mitoun jis mein ho Ishq-e-Khair ul Bashar (ﷺ)
Sooe Khair ul Bashar jo na le kar chale us nishan-e-qadam ki zaroorat nahi
میری ہر سانّس عشقِ نبی میں ڈھلے ‘ یہ وہ سِکّہ ہے عقبیٰ میں بھی جو چلے
صرف دُنیا میں جو خرچ کی جاسکے مجھ کو ایسی رقم کی ضرورت نہیں
Meri har saans Ishq-e-Nabi mein dhale, yeh woh sikka hai uqba mein bhi jo chale
Sirf duniya mein jo kharch ki ja sake mujh ko aisi raqam ki zaroorat nahi
کُچھ نہ کرنی پڑے گی تلافی مجھے ، مِل ہی جائے گی حق سے معافی مُجھے
عشقِ شاہِ پیمبر ہے کافی مجھے رختِ راہِ عدم کی ضرورت نہیں
Kuch na karni paregi talafi mujhe, mil hi jaegi Haq se maafi mujhe
Ishq-e-Shah-e-Paighambar hai kafi mujhe rakhte raah-e-adam ki zaroorat nahi
کعب و حسّان کے ساتھ لائیں گے وہ میری بخشش مظفّؔر کرائیں گے وہ
مَیں حبیب خُدا کا پرستار ہُوں مُجھ کو محشر کے غم کی ضرورت نہیں
Kaab o Hassaan ke saath laenge woh meri bakhshish Muzaffar kraenge woh
Main Habib-e-Khuda ka parastaar hun mujh ko Mahshar ke gham ki zaroorat nahi
Share This Naat
Share with friends and family
جل رہا ہے مُحمّد ؐ کی دہلیز پر
مظفر وارثی