علیؓ کے پسر ہیں جنابِ حسنؑ
نبیؐ کے جگر ہیں جنابِ حسنؑ
Ali ke pisr hain janab-e-Hasanؑ
Nabi ke jigr hain janab-e-Hasanؑ
شبیہِ پیمبرؐ ہیں جو ہو بہو
حسِیں خوب تر ہیں جنابِ حسنؑ
Shabi-e-Peyambar hain jo ho baho
Husn-e-khub tar hain janab-e-Hasanؑ
جھلکتا ہے چہرے سے عکسِ نبیؐ
وہ رشکِ قمر ہیں جنابِ حسن
Jhalakta hai chehray se aks-e-Nabi
Woh rashk-e-qamar hain janab-e-Hasanؑ
فراست جھلکتی ہے گفتار سے
ذکا سر بسر ہیں جنابِ حسنؑ
Firasat jhalakti hai guftar se
Zaka sar basr hain janab-e-Hasanؑ
دیا ظلمتِ شب کو جس نے اُجال
وہ روشن سحر ہیں جنابِ حسنؑ
Diya zhulmat-e-shab ko jis ne ujal
Woh roshan sahar hain janab-e-Hasanؑ
مرے راستے پُر خطر ہیں تو کیا
مرے راہبر ہیں جنابِ حسنؑ
Mere rastay pur khatar hain to kya
Mere rahbr hain janab-e-Hasanؑ
جوانانِ جنّت کے سردار ہیں
بڑے اوج پر ہیں جنابِ حسنؑ
Jawanan-e-jannat ke sardar hain
Bade ouj par hain janab-e-Hasanؑ
جھکے جن کے آگے شہانِ جہاں
وہی تاجور ہیں جنابِ حسنؑ
Jhuke jin ke aage shahan-e-jahan
Wohi tajur hain janab-e-Hasanؑ
جلیل ان کا نوکر ہوں میں اس لئے
مرے چارہ گر ہیں جنابِ حسنؑ
Jaleel un ka nokr hun main is liye
Mere charah gr hain janab-e-Hasanؑ
Share This Naat
Share with friends and family
علیؓ کے پسر ہیں جنابِ حسنؑ
حافظ عبدالجلیل