سبیل، اشک لگاتا ہُوں دِیدہ ء نم پر
سلام بھیج رہا ہُوں شہیدِ اعظم پر
Sabeel, ashk lagata hoon deeda-e-nam par
Salam bhej raha hoon shaheed-e-azam par
صدا بھی اپنی مجھے کربلا سے آتی ہے
مہک سی تازہ لہُو کی ہوا سے آتی ہے
Sada bhi apni mujhe Karbala se aati hai
Mehak si taza lahoo ki hawa se aati hai
ہدف بنایا ہے باطل نے حق کے راہی کو
سِتم نے لے لیا گھیرے میں بے گُناہی کو
Hadaf banaya hai batil ne haq ke rahi ko
Sitam ne le liya ghere mein be-gunahi ko
جبیں پہ جس کی رسالت مآب کے بو سے
زبانِ کفر اُسے کس خلوص سے کوسے
Jabeen pe jis ki risalat maab ke bose
Zaban-e-kufr use kis khuloos se kose
کیا زمانے کو سیراب جس کے دریا نے
اُسی کے حَلق میں کانٹے بچھائے دُنیا نے
Kya zamane ko serab jis ke darya ne
Usi ke halaq mein kaante bichhaye duniya ne
قدم جو رکھتا تھا دوشِ نبی کے زینے پر
سوار ہو گیا قاتل اُسی کے سِینے پر
Qadam jo rakhta tha dosh-e-Nabi ke zeene par
Sawar ho gaya qatil usi ke seene par
نمک چھڑکنے جو زخموں پہ دُھول آئی ہے
کفن لِیے ہُوئے رُوحِ رسُول آئی ہے
Namak chhidakne jo zakhmon pe dhool aayi hai
Kafan liye huye rooh-e-rasool aayi hai
سیاہ رنگ چڑھے زندگی کے محلوں پر
کھُلے سروں کے صحیفے لہُو کی رحلوں پر
Siyah rang chadhe zindagi ke mehelon par
Khule saron ke sahife lahoo ki rahlon par
مقابلہ خسِ تنہا کا بجلیوں سے ہُوا
چراغ بر سرِ پیکار آندھیوں سے ہُوا
Muqabila khas-e-tanha ka bijliyon se hua
Charagh bar sar-e-paikar aandhiyon se hua
Share This Naat
Share with friends and family
سبیل، اشک لگاتا ہُوں دِیدہ ء نم پر
مظفر وارثی