آگیا مرکز میرے ایمان دا
آگیا آج چین ساڈی جان دا
Aa gaya markaz mere imaan da
Aa gaya aaj chain saadi jaan da
بھر گیا گھر آمنہ دا نور تھیں
خاک خاکی کہن والا چھان دا
Bhar gaya ghar Aamina da noor thhi
Khaak khaaki kehan waala chaan da
نعت ہے ساری نبی مختار دی
ورقہ ورقہ پھول لئو قرآن دا
Naat hai saari Nabi Mukhtar di
Waraqah waraqah phool leyo Quran da
بھر دے مولا جھولیاں آج سب دیاں
واسطہ ای عرش دے مہمان دا
Bhar de Moula jholiyan aaj sab diyaan
Waasta ai Arsh de mehman da
واہ حلیمہ بھاگ تیرے واہ وا
جھولی تیری چن ہے رحمان دا
Waah Haleema bhaag tere waah waa
Jholi teri chan hai Rahman da
یا محمد یا محمد کہہ لویں
موڑنا چاہویں جے رُخ طوفان دا
Ya Muhammad ya Muhammad keh lowo
Morna chaho wein jay rukh toofan da
میرے سوہنے مصطفے دی شان تے
سلسلہ مگدا اے ہر اک شان دا
Mere sohne Mustafa di shaan te
Silsila magda ae har ik shaan da
کی سُناواں حال اُس محبوب نوں
اوه دلاں دے حال سارے جان دا
Ki sunaawan haal us mehboob no
Oh dilaan de haal saare jaan da
نور والے نعت پڑھدے نور دی
رنگ پیلا پے گیا شیطان دا
Noor wale naat pah de noor di
Rang peela pe gaya shaitaan da
پلدے پئے نے ساکنانِ دو جہاں
کھا کے صدقہ اوہدے دسترخوان دا
Pahlde piye ne saakinaan-e-do jahan
Kha ke sadqa ohde dastar-khuwaan da
اشک پلکاں تے سجا لو دوستو
ہو گیا ویلا اے اُس دے آن دا
Ashk palkaan te saja lo dosto
Ho gaya wela ae us de aan da
مشکلاں آسان سب دیاں ہونیاں
آگیا ویلا نجاتاں پان دا
Mushkilaan aasaan sab diyaan honiyaan
Aa gaya wela nijataan paan da
جس دے وچ ہستی دے سب مضمون نے
نام کی رکھاں میں اُس عنوان دا
Jis de vich hasti de sab mazmoon ne
Naam ki rakhaan main us unwaan da
جو سجاندا محفل محبوب نوں
حشر تک صائم اوه موجاں مان دا
Jo sajaanda mehfil mehboob no
Hashr tak Saima oh mojan maan da
Share This Naat
Share with friends and family
آگیا مرکز میرے ایمان دا
علامہ صائم چشتی