زندگی اپنے لہُو کا نام ہے

زندگی اپنے لہُو کا نام ہے اعِتبارِ آرزُو کا نام ہے

Zindagi apne lahu ka naam hai Aitibaar-e-arzoo ka naam hai

زندگی ہے لذّتِ سوزِ دوام زندگی ہر حال میں ہے تشنہ کام

Zindagi hai lazzat-e-soz-e-dawam Zindagi har haal mein hai tashna kaam

زندگی اِک آرزوئے خام ہے زندگی زندہ برائے نام ہے

Zindagi ik arzoo-e-khaam hai Zindagi zinda baraye naam hai

زندگی حسرت بھری فریاد ہے زندگی گو یا کسی کی یاد ہے !

Zindagi hasrat bhari faryad hai Zindagi go ya kisi ki yaad hai !

اشکباری زندگی کا مشغلہ ہر قدم پر زندگی اک مرحلہ

Ashkbaari zindagi ka mashghala Har qadam par zindagi ak marhala

پی رہی ہے زندگی اپنا لہُو لوٹتی ہے آپ اپنی آبرُو !

Pi rahi hai zindagi apna lahu Lout'ti hai aap apni aabroo !

سوزشِ دردِ جگر ہَے زندگی ایک خوابیدہ سحر ہے زندگی

Sozish-e-dard-e-jigar hai zindagi Ek khwaabeeda sahar hai zindagi

زندگی اک وادئ پُر خار ہے گویا رسوائی سرِ بازار ہے !

Zindagi ik waadi-e-pur khaar hai Go ya ruswai sar-e-bazaar hai !

زندگی ہے ایک گردابِ بلا زندگی ہے آپ اپنا نا خُدا

Zindagi hai ek gardab-e-bala Zindagi hai aap apna na khuda

زندگی ہی زندگی کا ناگ ہے زندگی پانی میں زندہ آ گ ہے

Zindagi hi zindagi ka naag hai Zindagi paani mein zinda aag hai

اِک مسافر کا سفر ہے زندگی پُر خطر اِک رہگزر ہے زندگی

Ik musaafir ka safar hai zindagi Pur khatar ik rahguzar hai zindagi

زندگی بھُولی ہوئی منزل بھی ہے زندگی ٹوٹا ہوا اِک دل بھی ہے

Zindagi bhooli hui manzil bhi hai Zindagi toota hua ik dil bhi hai

زندگی کا ہر فسانہ زندگی ! جانے والوں کا نہ آنا زندگی !

Zindagi ka har fasana zindagi ! Jaane walon ka na aana zindagi !

زندگی خود شانہء الہام ہے فکر میں ڈوبی ہوئی اِک شام ہے

Zindagi khud shana-e-ilhaam hai Fikr mein doobi hui ik shaam hai

زندگی فنکارئ معمار ہے زندگی گِرتی ہوئی دیوار ہے !

Zindagi fankaray-e-mimaar hai Zindagi gir'ti hui deewar hai !

دے رہی ہے زندگی ہر دم صدا "حسر تا وا حسرتا واحسرتا "

De rahi hai zindagi har dam sadaa "Hasr ta wa hasrata wa hasrata "

زندگی آنکھوں کےنم کا نام ہے زندگی خاموش غم کا نام ہے

Zindagi aankhon ke num ka naam hai Zindagi khamosh gham ka naam hai

زندگی ہے ایک گو نہ انتظار بے قراری زندگی کا ہے قرار

Zindagi hai ek go na intezar Be qaraari zindagi ka hai qaraar

زندگی ہے آگ میں جلنے کا نام زندگی ہے پھولنے پھلنے کا نا م

Zindagi hai aag mein jalne ka naam Zindagi hai phoolne phalne ka naam

ہاتھ سے جائے تو لا شہ زندگی ، ورنہ ہے ذوقِ تماشہ زندگی

Haath se jaaye to la sha zindagi, Warna hai zauq-e-tamaasha zindagi

دل جواں ہو تو جواں ہے زندگی ورنہ مرگِ نا گہاں ہے زندگی !

Dil jawaan ho to jawaan hai zindagi Warna marg-e-na gahaaan hai zindagi !

ہے خمِ زُلفِ نگاراں زندگی ! ہے کبھی جشنِ بہاراں زندگی

Hai khamm-e-zulf-e-nigaraan zindagi ! Hai kabhi jashn-e-baharaan zindagi

زندگی دیپک بھی ہے ملہار بھی زندگی آتش بھی ہے گُلزار بھی

Zindagi deepak bhi hai malhaar bhi Zindagi aatish bhi hai gulzaar bhi

گاہ ہستی رہ روِ افلاک ہے گاہ یہ خاموش زیرِ خاک ہے

Gaah hasti rah ro-e-aflaak hai Gaah yeh khamosh zer-e-khaak hai

زندگی ہے اک تبسّم زیر لب زندگی شمعِ فروزاں نیم شب

Zindagi hai ek tabassum zer lab Zindagi shama-e-farozan neem shab

زندگی اقوال بھی احوال بھی ! زندگی آئینہِ اجمال بھی !

Zindagi aqwaal bhi ahwaal bhi ! Zindagi aaeena-e-ijmaal bhi !

زندگی کی ضرب ہے ضربِ کلیم زندگی گاہے کُلہ گاہے گلیم !

Zindagi ki zarb hai zarb-e-kaleem Zindagi gahe kulah gahe galeem !

زندگی ہے ایک بحرِ بے کراں ، یہ کبھی صحرا کبھی کوہِ گراں

Zindagi hai ek bahr-e-bekaraan, Yeh kabhi sahra kabhi koh-e-garaan

زندگی ہے اِک پریشاں داستاں کوئی حصّہ ہے یہاں کوئی وہاں

Zindagi hai ik pareshaan daastaan Koi hissa hai yahan koi wahan

ہے کبھی یہ ایک حرف آرزو ہے کبھی یہ بے نیازِ جستجو

Hai kabhi yeh ek harf arzoo Hai kabhi yeh be niyaaz-e-just'ju

گردشِ شام و سحر ہے زندگی ایک سیمابی نگر ہے زندگی !

Gardish-e-shaam o sahar hai zindagi Ek seemaabi nagar hai zindagi !

زندگی غریانیِ اجسام بھی ! زندگی ہے گردشِ ایّام بھی !

Zindagi ghiriyani-e-ajsaam bhi ! Zindagi hai gardish-e-ayyam bhi !

نقشِ فریادی بھی ہے تصویر بھی زندگی ہے شوخئ تحریر بھی

Naqsh-e-faryaadi bhi hai tasveer bhi Zindagi hai shokhie tah'reer bhi

زندگی کیا ہے سہانا خواب ہے زندگی اِک گوہرِ نایاب ہے

Zindagi kya hai suh'ana khwaab hai Zindagi ik gohar-e-naayaab hai

آنسوؤں کی ایک مالا زندگی ! چاند سے چہرے کا ہالا زندگی !

Aansuo ki ek malaa zindagi ! Chaand se chehre ka haala zindagi !

تھم بھی جائے تو رواں ہے زندگی داستانِ کن فکاں ہے زندگی

Tham bhi jaaye to rawaan hai zindagi Dastaan-e-kun fakan hai zindagi

ہے کبھی تسلیم کی خُو زندگی ! ہے کبھی "میں " اور کبھی تُو زندگی

Hai kabhi tasleem ki kho zindagi ! Hai kabhi "mein" aur kabhi "tu" zindagi

زندگی ہے کُشتّہِ تیغِ ستم ! یُوں بھی ہے ہستی کا اندازِ کر م

Zindagi hai kushta-e-tegh-e-sitam ! Yun bhi hai hasti ka andaaz-e-karim

مفلسی میں بھی گزر کرتی ہے یہ تخت پر بھی سسکیاں بھرتی ہے یہ

Muflisi mein bhi guzar karti hai yeh Takht par bhi siskian bharti hai yeh

زندگی محبُوب کی قُربت بھی ہے زندگی افسانہِ فُرقت بھی ہے

Zindagi mahboob ki qurbat bhi hai Zindagi afsana-e-furqat bhi hai

گیسوئے خم دار کا سایہ بھی ہے زندگی نے خود کو بہلایا بھی ہے

Gaisso-e-kham daar ka saayah bhi hai Zindagi ne khud ko behlaya bhi hai

ایک شوخی ہے حیا ہے زندگی حُسن ہے حُسنِ اَدا ہے زندگی

Ek shokhi hai haya hai zindagi Husn hai husn-e-ada hai zindagi

کامنی سی ایک صُورت زندگی موہنی سی ایک صورت زندگی

Kaamini si ek surat zindagi Mohni si ek surat zindagi

زندگی ہے ایک چشمِ سُر مگیں زندگی ہے ایک زُلفِ عنبریں

Zindagi hai ek chasham-e-sur'magheen Zindagi hai ek zulf-e-amabareen

زندگی سہمی ہوئی دُلہن بھی ہے زندگی بے نام سا مدفن بھی ہے

Zindagi sehmi hui dulhan bhi hai Zindagi be naam sa madfan bhi hai

ہے نوازش ہائے موسم زندگی ہے کبھی قند اور کبھی سم زندگی

Hai nawazish haaye mausam zindagi Hai kabhi qand aur kabhi summ zindagi

جگمگاتے آبگینوں کے لیے زندگی ہے مہ جبینوں کے لیے

Jagmagaate aabgeeno ke liye Zindagi hai meh jabeeno ke liye

زندگی ہے موردِ الزام بھی ! مے کدے میں اِک سہانی شام بھی

Zindagi hai mo'red-e-ilzaam bhi ! Maykade mein ik suhani shaam bhi

زندگی ہے زخمہء و مضراب بھی مر مریں باہوں میں اِک سیماب بھی

Zindagi hai zakhma-e-w mizraab bhi Mar mareen baahon mein ik seemaab bhi

رقص کرتی ہے سرِ مژگاں کبھی دم بخود ہوتی ہے یہ بے جاں کبھی !

Raqs karti hai sar-e-mizhgaan kabhi Dam bakhud hoti hai yeh be jaan kabhi !

اِک تماشا ہے تماشائی بھی ہے زندگی معشوقِ ہر جائی بھی ہَے !

Ik tamaasha hai tamaashaai bhi hai Zindagi mashooq-e-harjaai bhi hai !

زندگی کا شفل مے نوشی بھی ہے زندگی کا فعل غم پوشی بھی ہے

Zindagi ka shafal mainoshi bhi hai Zindagi ka fi'l-e-ghamposhi bhi hai

زندگی نیرنگیء دوراں بھی ہے یہ رہینِ منّتِ درباں بھی ہے

Zindagi nerangi-e-dawran bhi hai Yeh raheen-e-minnat-e-darban bhi hai

کاسہء ہستی کبھی بھرتا نہیں ! زندگی بھر دل کبھی مرتا نہیں

Kaasa-e-hasti kabhi bharta nahi ! Zindagi bhar dil kabhi marta nahi

ٹھو کریں کھا کر بدل جاتی ہے یہ ایک پَل میں بھی سنبھل جاتی ہے یہ

Thokaren kha kar badal jaati hai yeh Ek pal mein bhi sanbhal jaati hai yeh

زندگی ہے چاک ہوجانے کی خُو دامنِ ہستی کیا کِس نے رفُو ؟

Zindagi hai chaak ho jaane ki khuu Daaman-e-hasti kya kisne rafoo ?

زندگی اپنے جنوں کا نام ہے زندگی آنکھوں میں خوں کا نام ہے

Zindagi apne junoon ka naam hai Zindagi aankhon mein khoon ka naam hai

موجہء آب ِ رواں ہے زندگی زندگی کے درمیاں ہے زندگی

Mojah-e-aab-e-rawaan hai zindagi Zindagi ke dar'miyan hai zindagi

زندگی کیا ہے بُجز سوزِ دروں زندگی ہے آیہء لَا یحزنوں!

Zindagi kya hai bajuz soz-e-daroon Zindagi hai ayah-e-la yahzanoon!

زندگی ذوقِ فنا کا نام ہَے ! یہ تقین حاصلِ ابہام ہَے !

Zindagi zauq-e-fana ka naam hai ! Yeh yaqeen haasil-e-abhaam hai !

لاکھ حیلوں سے گزر کرتی ہے یہ زندہ رہنے کے لیے مرتی ہے یہ

Laakh heelo se guzar karti hai yeh Zinda rehne ke liye marti hai yeh

موت ٹل جائے تو کوئی غم نہیں ورنہ محشر سے یہ ہستی کم نہیں

Maut tal jaaye to koi gham nahi Warna mahshar se yeh hasti kam nahi

نا مکمّل ہے ابھی تک کائنات کر رہی ہے زندگی کچھ تجربات

Na mukammal hai abhi tak kainaat Kar rahi hai zindagi kuch tajurbat

ساز کے سینے میں اِک آواز ہے زندگی کیا ہے سراپا راز ہے

Saaz ke seene mein ik aawaaz hai Zindagi kya hai sarapa raaz hai

زندگی گُل میں مثالِ رنگ و بُو جیسے فن میں صاحبِ فن کا لہُو

Zindagi gul mein misaal-e-rang o boo Jaise fun mein saahib-e-fan ka lahu

زندگی الفاظ میں آتی نہیں راز افشانی اسے بھاتی نہیں

Zindagi alfaaz mein aati nahi Raaz afshani ise bhaati nahi

اپنی آزدی میں یہ مجبُور ہے زندگی رِ ستا ہوا ناسور ہَے

Apni aazadi mein yeh majboor hai Zindagi rista hua nasoor hai

کِس نے پایا ہے سُراغِ زندگی زندگی ہے خود چراغِ زندگی

Kisne paaya hai suraagh-e-zindagi Zindagi hai khud charaagh-e-zindagi

فلسفی سمجھا نہیں مجبُور ہَے زندگی خود زندگی سے دُور ہے

Falsafi samjha nahi majboor hai Zindagi khud zindagi se door hai

زندگی ساحل بھی ہَے طوفان بھی خود مسیحا ، خود بلائے جان بھی !

Zindagi saahil bhi hai toofaan bhi Khud maseeha, khud balaaye jaan bhi !

ہاں مگر یہ زندگی اِنعام ہَے خالقِ مطلق کا اپنا کام ہے

Haan magar yeh zindagi inam hai Khaalik-e-mutlaq ka apna kaam hai

زندگی ہے سنگِ دَر کی آرزو خوب سے ہے خوب تَر کی جستجو

Zindagi hai sang-e-dar ki arzoo Khoob se hai khoob tar ki just'ju

زندگی ہے مظہرِ ظلِّ اِلٰہ! زندگی کا راز ہَے کرب و بلا

Zindagi hai maz'har-e-zill-e-ilah! Zindagi ka raaz hai karb o bala

زندگی کا مَدعا دیدہ وری زندگی کی موت ہے سودا گری

Zindagi ka madd'ua deed o wari Zindagi ki maut hai sauda gari

زندگی روشن جبیں کا نام ہے زندگی پختہ یقیں کا نام ہے

Zindagi roshan jabeen ka naam hai Zindagi pukhta yaqeen ka naam hai

زندگی ہے واجبِ صَد احترام زندگی ہَے انقلاب ِ صبح و شام

Zindagi hai wajib-e-sad ehteraam Zindagi hai inquilab-e-subh-o-shaam

یار کے دم سے سلامت زندگی ! ورنہ واصؔف ہَے قیامت زندگی

Yaar ke dam se salaamat zindagi ! Warna Wasif hai qiyamat zindagi

Share This Naat

Related Naats

یادِ وطن سِتم کیا دشتِ حرم سے لائی کیوں

حیدرؑ حیدرؑ یا حیدرؑ

زہد و تقویٰ کا تھا شہرہ جن کا ہندوستان میں

سب سے سیدھا سب سے سچا ہے نظام اللہ کا