سب سے سیدھا سب سے سچا ہے نظام اللہ کا
ہم مسلمانوں کو کافی ہے کلام اللہ کا
Sab se seedha sab se sacha hai nizaam Allah ka
Hum musalmanon ko kafi hai kalam Allah ka
درسِ قرآں نے دیا اخلاص اور ایثار کا
امن سے رہتا ہے دنیا میں غلام اللہ کا
Dars-e-Qur'an ne diya ikhlas aur eesar ka
Aman se rehta hai duniya mein ghulaam Allah ka
ہر قدم مومن کا ہے امر و نہی کی قید میں
خود جیو اوروں کو جینے دو پیام اللہ کا
Har qadam momin ka hai amar o nahi ki qaid mein
Khud jiyo auron ko jeene do paighaam Allah ka
اس کو آلام و مصائب کا بھلا کیا خوف ہو
جس کے دل میں ذکر رہتا ہے مدام اللہ کا
Is ko aalaam o masaib ka bhala kya khauf ho
Jis ke dil mein zikr rehta hai madaam Allah ka
شرح و الشمس وضحیٰ جانے گا کیا نجدی بھلا
دیو کا بندہ بنے کیسے غلام اللہ کا
Sharah o shams wadduha jaane ga kya najdi bhala
Deo ka banda bane kaise ghulaam Allah ka
مے کدہ توحید کا اس شان سے ہے سج گیا
بٹ رہا ہے مصطفیٰ کے ہاتھوں جام اللہ کا
Mai kada tauheed ka is shaan se hai saj gaya
Bat raha hai Mustafa ke haathon jaam Allah ka
اس کی عظمت اور تقدس کا بھلا کیا پوچھنا
جس دل مومن میں رہتا ہے قیام اللہ کا
Is ki azmat aur taqaddus ka bhala kya poochhna
Jis dil momin mein rehta hai qayaam Allah ka
شارحِ قرآں کے قرآنی عمل پر جو چلے
لاتے ہیں اس پر مَلک ہر دم سلام اللہ کا
Sharh-e-Qur'an ke Qur'ani amal par jo chale
Laate hain is par malak har dum salam Allah ka
قول و فعل و حال میں صدق و صفا کا رنگ ہو
ہاں وہی بندہ کہا جائے غلام اللہ کا
Qaul o faal o haal mein sidq o safa ka rang ho
Haan wahi banda kaha jaye ghulaam Allah ka
دل کی ہر دھڑکن سجے یاد رسول اللہ سے
ہو دم آخرِ زباں پر میری نام اللہ کا
Dil ki har dhadkan saje yaad Rasool Allah se
Ho dum aakhir zubaan par meri naam Allah ka
یارسول اللہ کہنے سے جسے انکار ہو
ثانیِ بوجہل کیا سمجھے کلام اللہ کا
Ya Rasool Allah kehne se jise inkar ho
Sani-e-Abu Jahl kya samjhe kalam Allah ka
مجھ کو دنیا کے جھمیلوں کی پڑی ہو کیا بھلا
ہے لبوں پہ ذکر میرے صبح و شام اللہ کا
Mujh ko duniya ke jhmailon ki pari ho kya bhala
Hai labon pe zikr mere subh o shaam Allah ka
جس نے نظمی رتبہء خیر الوریٰ سمجھا نہیں
ایسا دل کا اندھا کیا جانے مقام اللہ کا
Jis ne Nazmi rutbah-e-khair ul wara samjha nahin
Aisa dil ka andha kya jaane maqam Allah ka
جس کا ہر قانون قولِ مصطفیٰ کا عکس ہو
ہے حقیقت میں وہی نظمی نظام اللہ کا
Jis ka har qanoon qoul-e-Mustafa ka aks ho
Hai haqeeqat mein wahi Nazmi Nizaam Allah ka
Share This Naat
Share with friends and family
سب سے سیدھا سب سے سچا ہے نظام اللہ کا
سید آل رسول حسنین میاں برکاتی نظمی