عرش سے آتی ہے صدا صلِّ علیٰ محمدٍ
فرش پہ بھی یہ ندا صلِّ علیٰ محمدٍ
Arsh se aati hai sada sall-i alaa Muhammad
Farsh pe bhi yeh nida sall-i alaa Muhammad
شمس و قمر زمیں فلک رب نے بنائے کس لیے
ہاں ہاں برائے مصطفیٰ صلِّ علیٰ محمدٍ
Shams o qamar zameen falak Rab ne banaye kis liye
Haan haan baraaye Mustafa sall-i alaa Muhammad
ان کے ہی نور سے ملا آدم کی روح کو قرار
وہ ہیں سبب حیات کا صلِّ علیٰ محمدٍ
Un ke hi noor se mila Adam ki rooh ko qarar
Woh hain sabab hayaat ka sall-i alaa Muhammad
چشم زدن میں مشکلیں آسان ہو ہی جائیں گی
پڑھیے تو جھوم کر ذرا صلِّ علیٰ محمدٍ
Chashm zadan mein mushkilein aasan ho hi jaayengi
Padhiye to jhoom kar zara sall-i alaa Muhammad
اکمل ہیں وہ کمال میں، اجمل ہیں وہ جمال میں
نور ہی نور ہیں شہا صلِّ علیٰ محمدٍ
Akmal hain woh kamaal mein, ajmal hain woh jamaal mein
Noor hi noor hain shaha sall-i alaa Muhammad
یومِ حساب امتیں قدموں پہ سر جھکائیں گی
فرمائیں گے اَنا لَھَا صلِّ علیٰ محمدٍ
Youm-e-hisaab umaten qadmon pe sar jhukaayengi
Firmaayenge ana laha sall-i alaa Muhammad
سامنے جس کے ہیچ ہیں دونوں جہاں کی رفعتیں
گنبد ہے وہ حضور کا صلِّ علیٰ محمدٍ
Samne jis ke hech hain dono jahan ki rif'aten
Gunbad hai woh Huzoor ka sall-i alaa Muhammad
مجھ سے گناہ گار کو دامن میں چھپائیں گے
ایمان ہے یہی مرا صلِّ علیٰ محمدٍ
Mujh se gunaah gaar ko daman mein chhupayenge
Imaan hai yehi mera sall-i alaa Muhammad
میری نجات آپ کے فضل و کرم پہ منحصر
نظمی غلام آپ کا صلِّ علیٰ محمدٍ
Meri nijaat aap ke fazl o karam pe munhasir
Nazmi ghulaam aap ka sall-i alaa Muhammad
Share This Naat
Share with friends and family
عرش سے آتی ہے صدا صلِّ علیٰ محمدٍ
سید آل رسول حسنین میاں برکاتی نظمی