یادِ وطن سِتم کیا دشتِ حرم سے لائی کیوں
بیٹھے بِٹھائے بدنصیب سر پہ بلا اُٹھائی کیوں
Yad-e vatan sitam kiya dasht-e haram se laayi kyu
Baithe bithaye badnaseeb sar pe balaa uttai kyu
دِل میں تو چوٹ تھی دبی ہائے غضب اُبھر گئی
پُوچھو تو آہِ سرد سے ٹھنڈی ہوا چلائی کیوں
Dil mein to chot thi dabi haaye ghazab ubhar gayi
Poocho to aah-e sard se thandi hawa chalai kyu
چھوڑ کے اُس حرم کو آپ بن میں ٹھگوں کے آبسو
پھر کہو سر پہ دھر کے ہاتھ لُٹ گئی سب کمائی کیوں
Chhor ke us haram ko aap ban mein thagon ke aabso
Phir kaho sar pe dhar ke haath lut gayi sab kamai kyu
باغِ عرب کا سروِ ناز دیکھ لیا ہے ورنہ آج
قُمریِ جانِ غمزدہ گُونج کے چہچہَائی کیوں
Bagh-e Arab ka sarv-e naaz dekh liya hai warna aaj
Qamri-e jaan-e ghamzada goonj ke chehchai kyu
نامِ مدینہ لے دِیا چلنے لگی نسیمِ خلد
سوزشِ غم کو ہم نے بھی کیسی ہوا بتائی کیوں
Naam-e madina le diya chalne lagi naseem-e khald
Sozish-e gham ko hum ne bhi kaisi hawa batai kyu
کِس کی نگاہ کی حیَا پِھرتی ہے میری آنکھ میں
نرگِسِ مَست ناز نے مجھ سے نظر چُرائی کیوں
Kis ki nigah ki haya phirti hai meri aankh mein
Nargis-e mast naaz ne mujh se nazar churai kyu
تُو نے تو کر دِیا طبیب آتشِ سینہ کا علاج
آج کے دودِ آہ میں بُوئے کباب آئی کیوں
Tu ne to kar diya tabeeb aatish-e seenah ka ilaaj
Aaj ke dood-e aah mein booye kabaab aayi kyu
فکرِ معاش بد بَلا ہولِ معاد جاں گزا
لاکھوں بلا میں پھنسنے کو رُوح بدن میں آئی کیوں
Fikr-e ma'ash bad bala haal-e ma'ad jaan guza
Lakhon bala mein phansne ko rooh badan mein aayi kyu
ہو نہ ہو آج کچھ مِرا ذِکر حضور میں ہوا
ورنہ مِری طرف خوشی دیکھ کے مسکرائی کیوں
Ho na ho aaj kuch mera zikar huzoor mein hua
Warna meri taraf khushi dekh ke muskurai kyu
حورِ جِناں سِتم کیا طیبَہ نظر میں پِھر گیا
چھیڑ کے پَردۂ حجَاز دیس کی چیز گائی کیوں
Hoor-e jinaan sitam kiya Taiba nazar mein phir gaya
Chhed ke parda-e Hijaaz des ki cheez gai kyu
غفلتِ شیخ و شاب پر ہنستے ہیں طفل شیر خوار
کرنے کو گد گدی عبث آنے لگی بَہائی کیوں
Ghaflat-e sheikh o shaab par hanste hain tifl shir khwar
Karne ko gad gadi abas aane lagi bahaai kyu
عرض کروں حضور سے دِل کی تو میرے خیر ہے
پِیٹتی سر کو آرزو دشتِ حَرم سے آئی کیوں
Arz karun huzoor se dil ki to mere khair hai
Peetti sar ko aarzoo dasht-e haram se aayi kyu
حسرتِ نو کا سانحہ سُنتے ہی دِل بگڑ گیا
ایسے مریض کو رضاؔ مرگِ جواں سنائی کیوں
Hasrat-e nau ka saaneha sunte hi dil bigad gaya
Aise mareez ko Raza marg-e jawan sunai kyu
Share This Naat
Share with friends and family
یادِ وطن سِتم کیا دشتِ حرم سے لائی کیوں
احمد رضا خان بریلوی