اندھیری رات ہے غم کی گھٹا عصیاں کی کالی ہے
دلِ بے کس کا اِس آفت میں آقا تُو ہی والی ہے
Andheri raat hai gham ki ghata, asiyaan ki kaali hai
Dil-e-bekas ka is aafat mein aaqa tu hi waali hai
نہ ہو مایوس آتی ہے صَدا گورِ غریبَاں سے
نبی اُمّت کا حامی ہے خدا بندوں کا والی ہے
Na ho mayoos aati hai sadaa gor-e-ghareebaan se
Nabi-e-ummat ka haami hai Khuda bandon ka waali hai
اُترتے چاند ڈھلتی چاندنی جو ہو سکے کر لے
اندھیرا پاکھ آتا ہے یہ دو دن کی اُجالی ہے
Utrtay chaand dhalti chaandni jo ho sakay kar le
Andhera paakh aata hai yeh do din ki ujali hai
ارے یہ بھیڑیوں کا بن ہے اور شام آگئی سر پر
کہاں سویا مسافر ہائے کتنا لا اُبالی ہے
Aray yeh bheriyon ka ban hai aur shaam aa gayi sar par
Kahaan soya musaafir haaye kitna la ubaali hai
اندھیرا گھر، اکیلی جان، دَم گُھٹتا، دِل اُکتاتا
خدا کو یاد کر پیارے وہ ساعت آنے والی ہے
Andhera ghar, akeli jaan, dam ghut'ta, dil uktaata
Khuda ko yaad kar pyaare woh sa'at aanay waali hai
زمیں تپتی، کٹیلی راہ، بَھاری بوجھ، گھائل پاؤں
مصیبت جھیلنے والے تِرا اللہ والی ہے
Zameen tapti, katili raah, bhaari bojh, ghaayal paon
Museebat jhelnay walay tera Allah waali hai
نہ چَونکا دن ہے ڈھلنے پر تری منزل ہوئی کھوٹی
ارے او جانے والے نیند یہ کب کی نکالی ہے
Na chonka din hai dhilnay par teri manzil hui khoti
Aray o jaane walay neend yeh kab ki nikaali hai
رضاؔ منزل تو جیسی ہے وہ اِک میں کیا سبھی کو ہے
تم اس کو روتے ہو یہ تو کہو یاں ہاتھ خالی ہے
Raza manzil to jaisi hai woh ik mein kya sabhi ko hai
Tum is ko rote ho yeh to kaho yaan haath khaali hai
Share This Naat
Share with friends and family
اندھیری رات ہے غم کی گھٹا عصیاں کی کالی ہے
احمد رضا خان بریلوی