ذکر کی محفل جما دینا بھی اُن کی نعت ہے
ذہن و دل کو جگمگا دینا بھی اُن کی نعت ہے
Zikar ki mehfil jama dena bhi un ki naat hai
Zehn o dil ko jagmaga dena bhi un ki naat hai
دید کی دل میں طلب رکھنا بھی توصیفِ حضُورؐ
ہجر میں آنسو بہا دینا بھی اُن کی نعت ہے
Deed ki dil mein talab rakhna bhi tauseef e hazoor
Hijr mein aansu baha dena bhi un ki naat hai
لیکن ایسا ہے کہ اپنے عہد پُر آزار میں
زخم کھا کر مُسکرا دینا بھی اُن کی نعت ہے
Lekin aisa hai ke apne ehad pur azaar mein
Zakhm kha kar muskara dena bhi un ki naat hai
نفرتوں کی گرد دھو دینا بھی ہے اُن کی ثنا
بُعض کے شعلے بُجھا دینا بھی اُن کی نعت ہے
Nafraton ki gard dho dena bhi hai un ki sana
Buaz ke sholay bujha dena bhi un ki naat hai
چاہتوں کے پھُول برسانا بھی ہے مدحِ رسُولؐ
عدل کے موتی لُٹا دینا بھی اُن کی نعت ہے
Chahaton ke phool barsana bhi hai madah e Rasool
Adal ke moti luta dena bhi un ki naat hai
یُوں ہی چلتے میں کِسی کا پاؤں زخمی نہ ہو جائے
راہ کے کانٹے ہٹا دینا بھی اُن کی نعت ہے
Yun hi chalte mein kisi ka paon zakhmi na ho jaye
Raah ke kante hata dena bhi un ki naat hai
آپ کو جو آدمی بھی چہرہ در چہرہ ملے
اُس کو آئینہ دکھا دینا بھی ان کی نعت ہے
Aap ko jo aadmi bhi chehra dar chehra mile
Us ko aaina dikha dena bhi un ki naat hai
بیٹھ کر مسند پہ جو خود کو خُدا سمجھے اُسے
آخری صف میں بٹھا دینا بھی اُن کی نعت ہے
Baith kar masnad pe jo khud ko khuda samjhe use
Aakhri saf mein bitha dena bhi un ki naat hai
ہر بدی، ہر شِیطنت، ہر فتنہ، ہر تخریب کو
قبر میں گہرا دبا دینا بھی اُن کی نعت ہے
Har badi, har shaitanat, har fitna, har takhreeb ko
Qabar mein gehra daba dena bhi un ki naat hai
سارے خفیہ ہاتھ، سب پوشیدہ چہرے، سب نقاب
سب کے اصلی رُخ دکھا دینا بھی اُن کی نعت ہے
Sare khufiya haath, sab posheeda chehre, sab naqab
Sab ke asli rukh dikha dena bhi un ki naat hai
ہر شرافت کو تحفّظ کی ضمانت بخشنا
ہر شرارت کو مٹا دینا بھی اُن کی نعت ہے
Har sharafat ko tahafuz ki zamaanat bakshna
Har shararat ko mita dena bhi un ki naat hai
ہر صداقت، ہر شرف، ہر حُرمتِ کردار کو
وقت کا سکّہ بنا دینا بھی اُن کی نعت ہے
Har sadaqat, har sharaf, har hurmat e kirdar ko
Waqt ka sikka bana dena bhi un ki naat hai
خیر کے رستوں کو شر کے پتّھروں سے کر کے صاف
پھر سے یہ چشمے بہا دینا بھی اُن کی نعت ہے
Khair ke raston ko shar ke pattharon se kar ke saaf
Phir se ye chashme baha dena bhi un ki naat hai
منتشر اُمّت کے گُل ہائے پریشاں بخت کو
ایک گُل دستہ بنا دینا بھی اُن کی نعت ہے
Muntashir umr ke gul haaye pareshan bakht ko
Ek gul dasta bana dena bhi un ki naat hai
وقت کی تاریکیوں میں ایک ننّھا سا دیا
دستِ جُرأت سے جلا دینا بھی اُن کی نعت ہَے
Waqt ki tareekiyon mein ek nanna sa diya
Dast e jurrat se jala dena bhi un ki naat hai
چہچہاتے لوگ، ہنستی مُسکراتی بستیاں
اِن کو جینے کی دُعا دینا بھی اُن کی نعت ہے
Chahchahate log, hansi muskurati bastiyan
In ko jeene ki dua dena bhi un ki naat hai
وہ جو باطن میں چھُپی رہتی ہے اِک صُبحِ ضمیر
اُس کو چہروں پر سجا دینا بھی اُن کی نعت ہے
Wo jo baatin mein chhupi rehti hai ik subh e zameer
Us ko chehron par saja dena bhi un ki naat hai
الغرض مدحِ جمالِ مُصطفؐےٰ کرتے ہوئے
جلوۂ سیرت دکھا دینا بھی اُن کی نعت ہے
Alghuraz madah e jamal e Mustafa karte hue
Jalwa e seerat dikha dena bhi un ki naat hai
مختصر یہ ہے کہ جو گم کردہ منزل ہو اُسے
اُن کے رستے پر لگا دینا بھی اُن کی نعت ہے
Mukhtasar ye hai ke jo gum kardah manzil ho use
Un ke raste par laga dena bhi un ki naat hai
Share This Naat
Share with friends and family
ذکر کی محفل جما دینا بھی اُن کی نعت ہے
عاصی کرنالی