ذکر سرکار، دو عالم سے سوا رکھا ہے
یہ طریق اہلِ محبت نے روا رکھا ہے
Zikar sarkar, do aalam se sawa rakha hai
Ye tareeqa ahel-e-mohabbat ne rawa rakha hai
آپ کے نام سے مقبول ہے کاوش میری
ورنہ میں کیا مرے اشعار میں کیا رکھا ہے
Aap ke naam se maqbool hai kaawish meri
Warna main kya mere ashaar mein kya rakha hai
قدمِ صاحب معراج نے بخشا ہے عروج
ورنہ سچ پوچھو تو کونین میں کیا رکھا ہے
Qadam-e-sahib miraaj ne bakhsha hai urooj
Warna sach poocho to konain mein kya rakha hai
ارضِ طیبہ کا تصوّر ہے سبق جینے کا
حق نے مٹی میں بھی کیا رازِ شفا رکھا ہے
Arz-e-Taiba ka tasawwur hai sabaq jeene ka
Haq ne mitti mein bhi kya raaz-e-shifa rakha hai
از ازل تا بہ ابد جو بھی جہاں ہے جو کچھ
حق نے سب کچھ انہیں قدموں پہ جھکا رکھا ہے
Az azal ta beh abad jo bhi jahan hai jo kuch
Haq ne sab kuch unhein qadmoun pe jhuka rakha hai
حاضرئ حرمِ کعبہ کا میں اہل نہیں
میں نے کعبہ درِ اقدس کو بنا رکھا ہے
Hazri-e-haram-e-Kaaba ka main ahel nahi
Main ne Kaaba dar-e-aqdas ko bana rakha hai
مل ہی جائے گی کسی روز بصیرت مجھ کو
میں نے کچھ ذرّوں کو آنکھوں سے لگا رکھا ہے
Mil hi jaegi kisi roz baseerat mujh ko
Main ne kuch zarron ko aankhon se laga rakha hai
کرمِ سیّدِ کونین کو کیا کہیے صبیح
درد کا نام محبت نے دوا رکھا ہے
Karam-e-Syed-e-Konain ko kya kahiye Sabiha
Dard ka naam mohabbat ne dawa rakha hai
Share This Naat
Share with friends and family
.ذکر سرکار، دو عالم سے سوا رکھا ہے
سید صبیح الدین صبیح رحمانی