اللہ اللہ طیبہ و بطحٰا کی پاکیزہ زمیں
درس گاہِ اہل عرفاں ‘ مکتبِ اہلِ یقیں
Allah Allah tayyiba o batha ki pakeeza zameen
Dars gah-e-ahl irfan ' maktab-e-ahl-e-yaqeen
جلوء شمس الضحیٰ ﷺ ‘ آ ئینئہ عرش بریں
روضہ ء بدرالدجیٰ ﷺ‘ فردوس بروئے زمیں
Jalwae shams ud doha ﷺ ' ainayeh Arsh bareen
Roza e badr-ud-duja ﷺ ' firdous baroye zameen
اس زباں سے آپﷺ کی تو صیف ممکن ہی نہیں
اے شہنشاہِ اُمم ﷺ اے تاجدار مرسلیں ﷺ
Is zuban se aap ﷺ ki toseef mumkin hi nahin
Ae shehanshah-e-ummum ﷺ ae tajdaar-e-mursaleen ﷺ
ہر نظر ‘ ہر فکر ہر انداز ‘ ہر نطقِ حَسیں
دل پذیر و دل نواز و دل گداز و دل نشیں
Har nazar ' har fikr har andaaz ' har nutq-e-haseen
Dil pazeer o dil nawaz o dil gudaz o dil nasheen
موجہء تسنیم و کوثر کیف چشمِ سر مگیں
نکہتِ باغ جناں خوشبوئے زلفِ عنبریں
Mawja-e-tasneem o kausar kaif chashm-e-sarmageen
Nekhat-e-baagh e jinaan khushbuye zulfe amberin
جو تبّسم حاصلِ سرمایہ لوح و قلم
ہر تکلّم حامل منشائے رب العالمیں
Jo tabsum haasil-e-sarmaya loh o qalam
Har takallum haamil manshaye Rab ul aalameen
کس تکلف سے چلی اور کس تقدس سے بڑھی
ایک شاہانہ سواری جانبِ عرش بریں
Kis takaluf se chali aur kis taqaddus se barhi
Ek shahana sawari janib-e-Arsh bareen
آگے آگے پیشوائی کے لئے نورِ تمام
پیچھے پیچھے دست بستہ با ادب روح الامیں
Aage aage peshwaai ke liye nour-e-tamaam
Peeche peeche dast basta ba adab Rooh-ul-ameen
جستجو لے آئی مجھ کو آج کس کے شہر میں
ذرّے ذرّے پر جھکی جاتی ہے خود لوح جبیں
Justaju le aayi mujh ko aaj kis ke shehar mein
Zarrre zarrre par jhuki jaati hai khud loh jabeen
اک نگاہ ملتفت کا منتظر ہے دیر سے
اور تو کچھ آپﷺ سے اقبؔال نے مانگا نہیں
Ik nigah multafat ka muntazir hai der se
Aur to kuch aap ﷺ se Iqbal ne manga nahin
Share This Naat
Share with friends and family
اللہ اللہ طیبہ و بطحٰا کی پاکیزہ زمیں
پروفیسراقبال عظیم