ذکرِ محبوبِ خدا وِردِ زباں ہو آمین
یُوں میرا نامۂ اعمال گِراں ہو آمین
Zikr-e-mehboob-e-Khuda wird-e-zabaan ho Ameen
Yun mera naamah-e-a'maal giraan ho Ameen
کاش اِس شان سے یہ رُوح جُدا ہو تن سے
روبرو روضۂ سُلطانِ جہاں ہو آمین
Kaash is shaan se yeh rooh judaa ho tan se
Roobaru roza-e-sultan-e-jahaan ho Ameen
مست و بے خُود شہِ لولاک کی اُلفت میں رہوں
اُن کی یادوں میں سدا آہ و فغاں ہو آمین
Mast o be khud shah-e-lolak ki ulfat mein rahun
Un ki yaadon mein sada aah o fighaan ho Ameen
نخلِ ایماں کو مِلے جلوۂ آقا سے بہار
ہے دعا دُور مرا عہدِ خزاں ہو آمین
Nakhl-e-imaan ko mile jalwa-e-aqa se bahaar
Hai dua door mera ehad-e-khizaan ho Ameen
حشر میں جب کہ مرا نامۂ اعمال کُھلے
رحمتِ سرورِ دِیں سایہ کُناں ہو آمین
Hashr mein jab ke mera naamah-e-a'maal khule
Rehmat-e-sarwar-e-deen saaya kunaan ho Ameen
خُلد میں ساتھ جہاں شاہ کے خُدّام رہیں
میرے مولیٰ مرا مسکن بھی وہاں ہو آمین
Khuld mein saath jahaan shah ke khuddaam rahen
Mere Maula mera maskan bhi wahaan ho Ameen
یا خدا حمد لکھے نعت کہے یہ مرزا
طبع پُرجوش رہے خامہ رواں ہو آمین
Ya Khuda hamd likhe naat kahe yeh Mirza
Tab' purjosh rahe khama rawaan ho Ameen
Share This Naat
Share with friends and family
ذکرِ محبوبِ خدا وِردِ زباں ہو آمین
مرزا جاوید بیگ عطاری